Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تۇركىستاندا بۇقار بۇعىلارى تولدەپ جاتىر

2022 жылдың 18 мамыр 2022 20:02

تۇركىستان. قازاقپارات - تۇركىستان قالاسىنان 32 شاقىرىم قاشىقتا ورنالاسقان تۇقىمباقتا بۇقار بۇعىلارى تولدەپ جاتىر، دەپ حابارلايدى قازاقپارات ءتىلشىسى.

2000 -جىلى سىرداريا وزەنىنىڭ جاعاسىنداعى مەملەكەتتىك ورمان قورى اۋماعىنان بۇقار بۇعىلارى تۇقىمباعى قۇرىلعان بولاتىن. العاشىندا مۇندا 17 بۇعى بولعان. 22 جىلدىڭ ىشىندەگى ولاردىڭ سانى 200 گە جۋىقتاپ وتىر. ال، بەيرەسمي مالىمەت بويىنشا بۇعىلاردىڭ سانى بۇدان ەكى- ءۇش ەسە كوپ كورىنەدى. سەبەبى، جابايى تابيعاتتا مەكەندەيتىن بۇعىلاردىڭ ىزدەرى كورشىلەس اۋدان اۋماعىنان كوپ بايقالعان.


«وتكەن جىلى 20 عا جۋىق بۇعى تولدەگەن بولاتىن. بيىلعى تولدەردىڭ سانىن ەندى ەسەپتەيمىز. قازىر انالىعى بالالارىنىڭ قاسىنا جولاتپايدى. تولدەرى دە تىعىلىپ جاتادى»، - دەيدى «سىرداريا- تۇركىستان» مەملەكەتتىك وڭىرلىك تابيعي پاركى تۇركىستان فيليالىنىڭ تۋريزم، رەكرەاتسيا جانە ەكولوگيالىق اعارتۋ ءبولىمىنىڭ مەڭگەرۋشىسى قايرات كارىبايەۆ.

تۇقىمباق تۇركىستان قالاسىنان 32 شاقىرىم قاشىقتا ورنالاسقان. ارنايى قورشالعان مەكەندە ارنايى بۇعىشىلار قىزمەت اتقارادى. ولار بۇعىلاردى قورەكتەندىرىپ، قاراپ جۇرەدى.





Басты сөздер: ايماق,
Жоғары қарай