Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

كولىكتىڭ ءتۇتىنىن جۇتپاڭىز

2022 жылдың 16 мамыр 2022 16:56

نۇر-سۇلتان. قازاقپارات – كولىكتەن شىققان ءتۇتىن ادامعا زيان. اسىرەسە، قاتەرلى اۋرۋلارعا شالدىقتىرۋى مۇمكىن.




Көліктің түтінін жұтпаңыз...

ماسەلەن، يتاليالىق عالىمداردىڭ ايتۋىنشا، كولىكتىڭ ءتۇتىنىن كوپ جۇتقان ادام اۋتويممۋندى اۋرۋلارعا شالدىعۋى مۇمكىن. مۇنداي تۇجىرىمعا ولار ون جىلدىق زەرتتەۋ جۇمىسىنىڭ ناتيجەسىندە جەتكەن. زەرتتەۋ جۇمىسى RMD Open جۋرنالىندا جاريالاندى.

ماماندار ازىرشە كولىكتىڭ ءتۇتىنى قالاي اۋتويممۋندى اۋرۋلارعا اكەلەتىنىن، نە سەبەپ بولاتىنىن بىلمەيدى. ءبىراق كولىكتەن شىعاتىن تۇتىننىڭ اۋتويممۋندى اۋرۋلاردىڭ ىشىندە ريەۆماتويدتى ارتريت، قىزىل جەگى، ويىق جارا، كوليت، ىشەك قابىنۋى، وستەوارتريت، ۇمىتشاقتىق سىندى اۋرۋلاردىڭ پايدا بولۋىنا سەبەپشى بولاتىن كورىنەدى.

عالىمدار 2016-2020-جىلدارى 81 مىڭنان اسا ادامنان تاجىريبە العان. ونىڭ ىشىندە 73 مىڭنان اسا ادام – 65 تەن جاستان اسقان جاندار ەكەن. قاتىسۋشىنىڭ تۇرىپ جاتقان جەرى اۋا ساپاسىن باقىلايتىن ستانتسيانىڭ دەرەكتەرىمەن سالىستىرىلىپ وتىرعان. ناتيجەسىندە تاجىريبەگە قاتىسقاندار ىشىندە 9723 ىنەن، ياعني، 12 پايىزىنان اۋتويممۋندى اۋرۋلار تابىلعان.

زەرتتەۋشىلەردىڭ مالىمەتىنشە، كولىكتەن شىققان ءتۇتىن ادامنىڭ ريەۆماتويدتى ارتريت اۋرۋىنا شالدىعۋ قاۋپىن 40 پايىزعا، ىشەك قابىنۋ ءقاۋپىن 20 پايىزعا ارتتىرىپ جىبەرەدى ەكەن.

massaget.kz

Басты сөздер: قوعام,
Жоғары қарай