Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

جەكە تۇلعالاردىڭ تابىسى مەن مۇلكى تۋرالى دەكلاراتسيا تاپسىرۋى باستالدى

2022 жылдың 26 қаңтар 2022 18:41

نۇر-سۇلتان. قازاقپارات - جەكە تۇلعالار تابىسى مەن مۇلكى تۋرالى دەكلاراتسيا تاپسىراتىن كەز كەلدى.

بۇل تۋرالى ق ر قارجى مينيسترلىگىنىڭ مەملەكەتتىك كىرىستەر كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

«2021-جىلى جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ اكتيۆتەر مەن مىندەتتەمەلەر تۋرالى دەكلاراتسيانى (250.00 نىسان) تاپسىرۋ مەرزىمى اياقتالدى. ءبىرىنشى كەزەڭ اياسىندا دەكلاراتسيانى مەملەكەتتىك قىزمەتشىلەر مەن ولارعا تەڭەستىرىلگەن تۇلعالار، سونداي-اق ولاردىڭ جۇبايلارى (زايىپتارى) ۇسىنعان.

وسى جىلدان باستاپ بۇل تۇلعالار جىل سايىن تابىسى مەن مۇلكى تۋرالى دەكلاراتسيانى تاپسىراتىن بولادى (270.00 نىسان). وندا ەسەپتى كۇنتىزبەلىك جىلى الىنعان كىرىستەرى، سالىق شەگەرىمدەرى، مۇلكى، قازاقستان رەسپۋبليكاسىنان تىسقارى جەردە ورنالاسقان شەتەلدىك بانكتەردەگى بانكتىك شوتتارداعى اقشا، سونداي-اق قازاقستان رەسپۋبليكاسىنان تىسقارى جەرلەردەگى مۇلىكتى ساتىپ الۋ جانە (نەمەسە) يەلىكتەن شىعارۋ تۋرالى مالىمەتتەر كورسەتىلەدى»، - دەپ اتاپ وتەدى كوميتەتتەن.

ۆەدومستۆو مالىمەتىنشە، كىرىستەرى مەن مۇلكى تۋرالى دەكلاراتسيانى «سالىق تولەۋشىنىڭ كابينەتى» (kgd.gov.kz)، eSalyq azamat موبيلدى قوسىمشاسى ارقىلى، سونداي-اق قاعاز تۇرىندە مەملەكەتتىك كىرىستەر ورگاندارىنا نەمەسە حالىققا قىزمەت كورسەتۋ ورتالىقتارىنا كەلىپ قولما-قول تاپسىرۋعا نەمەسە پوشتا ارقىلى جىبەرۋگە بولادى. ءبىرىنشى كەزەڭدەگى جەكە تۇلعالار ءۇشىن تابىسى مەن مۇلكى تۋرالى دەكلاراتسيانى قاعاز تۇرىندە 2022-جىلدىڭ 15 - شىلدەسىنەن كەشىكتىرمەي، ەلەكتروندى تۇردە 2022-جىلدىڭ 15 - قىركۇيەگىنەن كەشىكتىرمەي تاپسىرۋ قاجەت.

Басты сөздер: بيلئك جانة ساياسات,
Жоғары қарай