Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تانىمال فوتوگراف پاريج ورتالىعىندا ءۇسىپ ءولدى

2022 жылдың 26 қаңтар 2022 15:25

نۇر- سۇلتان. قازاقپارات - تانىمال فوتوگراف رەنە روبەر 84 جاسىندا پاريج كوشەلەرىنىڭ بىرىندە ءۇسىپ ءولدى.

تروتۋاردا قۇلاپ جاتقان ەر ادامعا سەگىز ساعات بويى ەشكىم كومەكتەسپەگەن، دەپ حابارلايدى RTL راديوسى.

روبەردىڭ دوسى مۋزىكانت ءارى جۋرناليست ميشەل مومپونتەنىڭ سوزىنە قاراعاندا، روبەر ۇيىنەن 21:30-دا شىعىپ كەتكەن. جولدا مازاسىزدانىپ، ەسىنەن تانىپ قالعان. فوتوگراف تروتۋاردا قوزعالىسسىز 8 ساعاتتاي جاتىپ قالعان. تەك تاڭعى 5:30 شاماسىندا ءۇيسىز- كۇيسىز جۇرگەندەردىڭ ءبىرى پوليتسياعا ەر ادامنىڭ ەس- ءتۇسسىز جاتقانى تۋرالى حابارلاعان.

رەنە روبەر 1936 -جىلى شۆەيتساريادا دۇنيەگە كەلگەن. 12 جاسىنان باستاپ سۋرەتكە تۇسىرۋگە اۋەس بولعان. لوزاننادا ءبىلىم الىپ، وتكەن عاسىردىڭ 60-جىلدارى پاريجگە قونىس اۋدارعان. فلامەنكو بيشىلەرىن تۇسىرگەن سۋرەتتەرى جۇرتشىلىق اراسىندا كەڭىنەن تانىمال.

Басты сөздер: الةم,
Жоғары қарай