Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قىتايلىق كەلىنشەك «كۋنگ- فۋ» تۋرالى ۆيدەو ءتۇسىرىپ ينتەرنەت جۇلدىزىنا اينالدى

2022 жылдың 26 қаңтар 2022 14:41

بەيجىڭ. قازاقپارات - قىتايلىق جاڭ حانليان ءتورت مينۋتتىق «كۋنگ- فۋ» فيلمىن ءتۇسىرىپ، ينتەرنەتتە «قىتاي باتىرى» دەگەن اتپەن جۇلدىزعا اينالدى.

2007 -جىلدان بەرى جاڭ حانليان قىتايدىڭ گانسۋ پروۆينتسياسىنداعى تيانشۋي پەداگوگيكالىق ۋنيۆەرسيتەتىندە جەكپە- جەك ونەرىنەن ساباق بەرەدى. ول - قىتايدىڭ ۇلتتىق جەكپە- جەگىنەن ءبىرىنشى دارەجەلى سپورتشى جانە ءبىرىنشى دەڭگەيلى تورەشى.

قىتايدىڭ جەرگىلىكتى اقپارات قۇرالدارىنىڭ حابارلاۋىنشا، 35 جاستاعى ايەل مەكتەپتە مۇعالىم بولىپ جۇمىس ىستەيدى. ول 13 جاسىندا «قىتايلىق كۋنگ- فۋمەن» اينالىسا باستاپ، 22 جىل جاتتىعىپ، مول تاجىريبە جيناقتاعان. بوس ۋاقىتىندا ول «كۋنگ- فۋ» جاتتىعۋلارى تۋرالى بىرنەشە بەينەروليك ءتۇسىرىپ، قىتايلىق الەۋمەتتىك جەلى پلاتفورمالارىنا جاريالايدى.

جان حانلياننىڭ ايتۋىنشا، ونىڭ بۇل فيلمدەردى تۇسىرۋدەگى باستى ماقساتى - جاڭا مەديا پلاتفورمالار ارقىلى كوپشىلىككە «كۋنگ- فۋ» مادەنيەتىن ناسيحاتتاۋ جانە قىتايدىڭ ءداستۇرلى سپورت تۇرلەرىن ءتۇسىندىرۋ. جاقىندا ول تۇسىرگەن 4 مينۋتتىق «كۋنگ- فۋ» بەينەبايانى 6,6 ميلليوننان استام قارالىم جيناپ، جان حانلياندى قىتايلىق ينتەرنەتتە جۇلدىزعا اينالدىردى.

جەرگىلىكتى ب ا ق وكىلدەرىنە بەرگەن سۇحباتىندا جاس «كۋنگ- فۋ شەبەرى» بۇكىل الەم حالقىنا قىتاي مادەنيەتىن تانىستىرىپ، ادامداردى جاقىنداستىرعىسى كەلەتىنىن ايتتى.

اۆتور: مۇحتار مۇرات



Басты сөздер: الةم,
Жоғары қарай