Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

جۇمىس ورنى ءۇشىن ەندى ادام مەن تەحنيكا تالاسادى

2022 жылдың 26 қаңтар 2022 09:52

نۇر-سۇلتان.قازاقپارات - 2021 -جىلدىڭ ءۇش توقسانىندا ەلدە 8 مىڭ 700 ادام قىسقارتۋعا ۇشىرادى. سونداي- اق كاسىپورىندار جۇمىسىنىڭ توقتاتىلۋىنا بايلانىستى 3 مىڭ 600 ادام بوساپ قالدى.

ەندى ولاردى جۇمىسپەن قامتۋ ماسەلەسى قالاي شەشىلمەك؟ بىلتىر قىسقارتۋعا ۇشىراعانداردىڭ 22 پروتسەنتى كولىك جانە قويما سالاسىندا ەڭبەك ەتكەن. 13 پروتسەنتى كوتەرمە جانە بولشەك ساۋدا دا، 12 پروتسەنتى اكىمشىلىك باسقارۋ نەمەسە كومەكشى ماماندار بولعان. ەكونوميكالىق ىنتىماقتاستىق جانە دامۋ ۇيىمىنىڭ دەرەكتەرىنە قاراعاندا قازاقستانداعى جۇمىس ورىندارىنىڭ تەڭ جارتىسىن اۆتوماتتاندىرۋعا بولادى. ياعني جۇمىس كۇشىن سيفرلىق تەحنولوگياعالار الماستىرۋى مۇمكىن. ەگەر ولاي بولسا ەكى قولعا ءبىر كۇرەك تاپپاي قالاتىنداردىڭ قاراسى قالىڭداي ءتۇسۋى عاجاپ ەمەس.

وسىنىڭ الدىن الۋ ءۇشىن ەڭبەك، حالىقتى الەۋمەتتىك قورعاۋ مينيسترلىگى 2025 -جىلعا دەيىنگى ۇلتتىق جوسپار جاسادى. سونىڭ اياسىندا بيىلدان باستاپ ەلەكتروندى ەڭبەك بيرجاسىندا سۇرانىسقا يە ماماندىقتار بويىنشا ءبىلىم الۋعا جاعداي جاسالماق. قازىر 100 ءتۇرلى وقۋ كۋرسى قولجەتىمدى. ونىڭ 58 ءى تەگىن جۇرگىزىلەدى. بۇعان قوسا جۇمىسسىز ادامدى ەڭبەك بيرجاسى بويىنشا قابىلداعان كاسىپورىندارعا ماماننىڭ جارتى ايلىعى مەملەكەت تاراپىنان ءبىر جىل بويى سۋبسيديالانادى.

ەلدىڭ باتىسىندا ەت پەن ءسۇت ءوندىرىسى ارتادى

ەلدىڭ باتىس وڭىرلەرىندە ەت جانە ءسۇت ءوندىرىسى ارتادى. بۇل وسى ايماقتاعى ءتورت وبلىستى تۇلەتۋگە ارنالعان كەشەندى جوسپار اياسىندا جۇزەگە اسپاق. قۇجات 4 جىلعا ارنالعان. ونداعى ءىس- شارالاردى جۇزەگە اسىرۋ ءۇشىن 15,3 تريلليون تەڭگە قاجەت. ونىڭ 1,7 تريلليونى رەسپۋبليكالىق بيۋدجەتتەن بولىنەدى. قالعان 13 تريلليوندايىن جەكە ينۆەستورلاردان تارتۋ كوزدەلگەن. كەشەندى جوسپار اياسىندا اقتوبە وبلىسىندا جالپى قۇنى 32 ميلليارد تەڭگە بولاتىن قۇس فابريكاسى بوي كوتەرەدى. 2 مىڭ ءىرى قاراعا ارنالعان ەكى بورداقىلاۋ الاڭى جانە 800 باس سيىرعا ارنالعان ءسۇت فەرماسى سالىنباق.

وسىلايشا 2025 -جىلعا قاراي ءوڭىردىڭ جاپى ىشكى ونىمىندەگى اۋىلشارۋاشىلىعى ونىمدەرىنىڭ ۇلەسى 37 پروتسەنتكە كوتەرىلەدى. ال باتىس قازاقستان وبلىسىندا 25 بورداقىلاۋ الاڭى، 10 ءسۇت ونىمدەرىن شىعاراتىن فەرما سالىنادى. بۇعان قوسا سۋىرمالى ەگىس القابىنىڭ كولەمى 6 مىڭ 600 گەكتاردان 50 مىڭ گەكتارعا دەيىن كوبەيتىلەدى.

اتىراۋدا دا التى جىلىجاي، بەس مال بورداقىلاۋ الاڭى، 3 قۇس فابريكاسى جانە بالىق وسىرەتىن 7 توعان شارۋاشىلىعى جانە ءسۇت وڭدەۋ سەحتارى قۇرىلادى. ماڭعىستاۋ وبلىسىنىڭ اگروونەركاسىپ كەشەنىن دامىتۋ ءۇشىن 25 ينۆەستيتسيالىق جوبا جۇزەگە اسىرىلماق. ەگەر العا قويعان وسى مەجە ويداعىداي جۇزەگە اسسا، ءتورت جىل ىشىندە ەلدىڭ باتىسىنداعى ءتورت وڭىردە 175 مىڭ جاڭا جۇمىس ورنى اشىلادى.

ELECTROCAR قۋاتتاۋ جانارماي قۇيعاننان قىمبات

ەلەكتروكاردى قۋاتتاۋ جانارماي قۇيعاننان قىمباتقا شىعادى. ويتكەنى قازىر الەمدە كومىرتەك ونىمدەرى شارىقتاپ تۇر. سايكەسىنشە ەلەكتر ەنەرگياسىنىڭ قۇنى دا كوتەرىلە بەرمەك. بۇل ەلەكتروكار شىعاراتىنداردىڭ جارقىن جوباسىنا كەسىرىن تيگىزەدى. ماسەلەن ۇلى بريتانيادا ءبىر كيلۆاتت ساعات ەلەكتر توعىنىڭ قۇنى ەكى دوللارعا جۋىقتايدى. ياعني ءبىر كولىكتى تولىق قۋاتتاۋعا 60 كيلوۆات ساعات ەلەكتر ەنەرگياسى قاجەت. ونىڭ قۇنى 102 دوللار بولادى. تولىق قۋاتتى اككۋمۋلياتورمەن كولىك 280-320 شاقىرىم جۇرە الادى. ياعني 100 شاقىرىم ءجۇرۋ ءۇشىن 33 دوللار تولەيسىز. ال جانارماي قۇيساڭىز 11 دوللار شاماسىندا بولادى. سالىستىرمالى تۇردە قاراساق ەلەكتر قۋاتى 3 ەسەدەي قىمبات. ءتيىمسىز كولىككە سۇرانىس تا تومەن بولارى ءسوزسىز. ساراپشىلار ەنەرگەتيكالىق داعدارىس جويىلعاننىڭ وزىندە ەلەكتروكار شىعاراتىندارعا تاعى ءبىر نەگىزگى ماسەلە بار ەكەنىن ايتادى. بولجام بويىنشا 2030 -جىلعا قاراي الەمدە اككۋمۋلياتور باتارەياسىن شاعاراتىن شيكىزات تاپشىلىعى تۋىنداۋى مۇمكىن.

www.24.kz

Басты сөздер: قوعام,
Жоғары қарай