Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

دارىگەرلەر توقايەۆتان ەلجان ءبىرتانوۆتى بوساتۋدى سۇرادى

2022 жылдың 24 қаңтар 2022 22:13

نۇر-سۇلتان. قازاقپارات - جەلىدە بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى قىلمىستىق قۋدالاۋدان توقتاتۋ تۋرالى پەتيتسيا جاريالاندى، دەپ حابارلايدى ulysmedia.kz سايتى.

ءوتىنىش اۆتورلارى تەرگەۋ ورگاندارى، پروكۋراتۋرا جانە سۋديالار ءبىرتانوۆتىڭ ونىڭ كىناسىزدىگى تۋرالى ۋاجدەرىنە نازار اۋدارمايتىنىن اتاپ ءوتتى.

«ءبىز ءبىرتانوۆتىڭ تىكەلەي باعىنىشتىسى دا، تۋىسى دا ەمەسپىز جانە ەلجان امانتاي ۇلىن ىندەت كەزىندە تەك قۇرمەتپەن قارايتىن قىزمەتى ارقىلى عانا تانيمىز. ول ءوزى مەديتسينالىق ۇيىمداردى ارالاپ، تەلەديداردان سۇحبات بەرىپ، دوڭگەلەك ۇستەلدەرگە، بريفينگتەرگە قاتىسىپ، كوتەرىلگەن بىردە-ءبىر ماسەلەنى نازاردان تىس قالدىرعان ەمەس. بۇكىل الەم سياقتى ءبىزدىڭ ەل دە ىندەتكە دايىن بولماعانىنا ول كىنالى ەمەس جانە سول كەزدەگى دەنساۋلىق ساقتاۋ ءمينيسترى وزىنە تىكەلەي قاتىسى بار جۇمىستى دۇرىس اتقارىپ، قولدان كەلگەندى جاسادى»، - دەپ جازىلعان پەتيتسيادا.

مەملەكەت باسشىسىنا جولداعان ۇندەۋدە قازاقستاندىقتاردىڭ ەلجان ءبىرتانوۆتىڭ ءىسىن نازاردان تىس قالدىرمايتىنىن جانە ەكس-ءمينيستردىڭ كىنالى ەكەنىنە سەنبەيتىنى جازىلعان.

«ءبىز ءسىزدىڭ جاقسى باسشىنىڭ، دارىگەردىڭ، تۇلعانىڭ تاعدىرىنا بەي-جاي قارامايتىنىڭىزعا سەنەمىز. ەندى ءسىزدىڭ ۇجىمىڭىزدا قاراپايىم حالىق سەنىم ارتقان وسىنداي كاسىپقويلار، پاتريوتتار، بىلىكتى ماماندار بولۋى كەرەك. ءبىرتانوۆتى زاڭسىز قىلمىستىق قۋدالاۋدى توقتاتۋىڭىزدى سۇرايمىز!»، - دەلىنگەن پەتيتسيادا.

پەتيتسياعا قول قويۋ 21- قاڭتاردا باستالدى. قازىرگى ۋاقىتتا وعان 2 مىڭعا جۋىق قولدانۋشى قول قويعان.

ەسكە سالا كەتسەك، بۇرىنعى دەنساۋلىق ساقتاۋ ءمينيسترى ەلجان ءبىرتانوۆ حورۆاتيالىق Ericsson Nicola Tesla كومپانياسى جاساعان دەنساۋلىق ساقتاۋ مينيسترلىگىن اقپاراتتاندىرۋ پلاتفورماسىن قابىلداپ، ىسكە قوسۋ ارقىلى قىزمەت بابىن اسىرا پايدالاندى دەگەن كۇدىككە ءىلىندى.

ءبىرتانوۆتىڭ ءۇي قاماقتا وتىرعانىنا ءبىر جىلدان استى. قىلمىستىق ءىس 133 تومنان تۇرادى.


Басты сөздер: قوعام,
Жоғары қарай