Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

د د س ۇ باسشىسىنان قازاقستاندىق ۆاكسينالاردى تىركەۋدى جەدەلدەتۋ سۇرالدى

2021 жылдың 30 қараша 2021 13:01

نۇر-سۇلتان. قازاقپارات – قازاقستاننىڭ دەنساۋلىق ساقتاۋ ءمينيسترى الەكسەي سوي دۇنيەجۇزىلىك دەنساۋلىق ساقتاۋ ۇيىمىنىڭ باسشىسىنا قازاقستاندىق ۆاكسينالاردى تىركەۋدى تەزدەتۋ تۋرالى وتىنىشپەن جۇگىندى.

مينيستر ءوزىنىڭ Facebook-تەگى پاراقشاسىندا د د س ۇ باس ديرەكتورى تەدروس گەبرەيەسۋسپەن كەزدەسۋ مەملەكەت باسشىسىنىڭ شۆەيتسارياعا رەسمي ساپارى اياسىندا وتكەنىن حابارلادى.

«COVID-19-عا قارسى ازىرلەنگەن قازاقستاندىق ەكى ۆاكسينا تۋرالى ايتىلدى. بۇل QazCovid-in (نەمەسە QazVac) يناكتيۆتەندىرىلگەن ۆاكسيناسى جانە QazCoVac-P سۋببىرلىكتى ۆاكسيناسى. QazVac ۆاكسيناسى قازاقستان اۋماعىندا 18-اي مەرزىمگە ۋاقىتشا تىركەۋدەن ءوتتى. QazVac مۇسىلمان ەلدەرىندە ازىرلەنگەن جالعىز ۆاكسينا جانە قازاقستان مۇسىلماندارىنىڭ رۋحاني باسقارماسى ۇسىنعان حالال سەرتيفيكاتى بار. د د س ۇ باسشىسىنان قازاقستاندىق ۆاكسينالاردى تىركەۋ پروتسەسىن جەدەلدەتۋگە قولداۋ كورسەتۋدى سۇرادىق»، - دەدى سوي ءوز پاراقشاسىندا.





مينيستر بيىل ماۋسىمدا COVID-19-عا قارسى ەكىنشى قازاقستاندىق ۆاكسينا - QazCoVac-P سۋببىرلىكتى ۆاكسيناسى كلينيكالىق زەرتتەۋلەر كەزەڭىندە د د س ۇ كانديداتتىق ۆاكسينالار تىزىمىنە ەنگىزىلگەنىن ەسكە سالدى.

دەنساۋلىق ساقتاۋ مينيسترلىگى باسشىسىنىڭ ايتۋىنشا، كەزدەسۋ بارىسىندا تاراپتار بۇگىندە الەمنىڭ 10 ەلىندە تابىلعان «وميكرون» جاڭا شتامىنا قارسى تۇرۋ تاسىلدەرىن تالقىلادى.

«دەنساۋلىق ساقتاۋ سالاسىنىڭ ەكى ماڭىزدى تەرمينىن، العاشقى مەديتسينالىق- سانيتارلىق كومەكتى جانە دەنساۋلىق ساقتاۋ قىزمەتتەرىمەن جاپپاي قامتۋدى بىرىكتىرۋدى، 2023 -جىلى ب ۇ ۇ باس اسسامبلەياسى بارىسىندا دەنساۋلىق ساقتاۋ قىزمەتتەرىمەن جاپپاي قامتۋ بويىنشا جوعارى دەڭگەيدەگى وتىرىس قارساڭىندا بىرىككەن ۇلتتار ۇيىمى دەڭگەيىندە دەنساۋلىق ساقتاۋدىڭ بىرلەسكەن كۇن ءتارتىبىن ىلگەرىلەتۋدى جالعاستىرۋدى ۇسىنامىز»، - دەپ اتاپ ءوتتى سوي.

تاراپتار COVID-19 پاندەمياسى جانە ودان كەيىن قالپىنا كەلتىرۋ كەزەڭىندە ۇلتتىق دەنساۋلىق ساقتاۋ جۇيەلەرىنىڭ الەۋەتىن كۇشەيتۋ ءۇشىن ودان دا ماڭىزدى مانگە يە بولاتىنىن اتاپ ءوتتى.





بۇعان دەيىن قازاقستاننىڭ دەنساۋلىق ساقتاۋ ءمينيسترى الەكسەي سوي دۇنيەجۇزىلىك دەنساۋلىق ساقتاۋ ۇيىمىنا سىلتەمە جاساي وتىرىپ، كوروناۆيرۋستىڭ جاڭا «وميكرون» شتامى تۋرالى جاڭارتىلعان دەرەكتەردى جاريالاعانى حابارلاندى.


kaz.tengrinews.kz

Басты сөздер: الةم,
Жоғары қарай