Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

بەك نۇرماعانبەتتىڭ شارشى الاڭعا قاشان ورالاتىنى بەلگىلى بولدى

2021 жылдың 26 қараша 2021 22:55

نۇر-سۇلتان. قازاقپارات - ەكىنشى ورتا سالماقتا ونەر كورسەتەتىن قازاقساندىق بوكسشى بەك نۇرماعانبەت (5-0، 3 ك و) كاسىپقوي بوكستاعى كەلەسى كەزدەسۋىنە دايىندىقتى باستادى.

بۇل تۋرالى Vesti.kz تىلشىسىنە دەرەككوز ايتتى.




Бек Нұрмағанбеттің шаршы алаңға қашан оралатыны белгілі болды

ءبىزدىڭ قولدا بار اقپارات بويىنشا، نۇرماعانبەت كەلەسى كەزدەسۋىن جەلتوقسان ايىندا وتكىزەدى.

ايقاستىڭ ناقتى قاشان جانە قايدا وتەتىنى الداعى ۋاقىتتا انىقتالادى. ءبىراق بوكسشىنىڭ ەلىمىزدە وتەتىن كەشتەردىڭ بىرىندە شارشى الاڭعا شىعادى. قازىر ول الماتىدا كومانداسىمەن سول كەزدەسۋگە دايىندىق وتكىزۋدە.

ايتا كەتەيىك، نۇرماعانبەت كاسىپقوي بوكستاعى سوڭعى كەزدەسۋىن قىركۇيەك ايىندا نۇر-سۇلتان قالاسىندا وتكىزىپ، 30 جاستاعى مەكسيكالىق بوكسشى برۋنو ساندوۆالادان (21-5-1، 17 ك و) ايلاسىن اسىرىپ، WBA International بەلبەۋىن جەڭىپ الدى.

كەيىن 23 جاستاعى وتانداسىمىز اۋەسقويلار اراسىندا قايتا ورالدى، الەم چەمپيوناتىندا باعىن سىناعان ەدى. ءبىراق بەلگرادتاعى بىرىنشىلىكتىڭ ءبىرىنشى اينالىمىندا ول برازيليالىق كەنو ماچادودان ۇتىلىپ قالدى.

بەك نۇرماعانبەت - اۋەسقويلار اراسىندا 2019-جىلعى ازيا چەمپيونى. ول 2020-جىلدىڭ ماۋسىم ايىندا كاسىپقوي بوكسقا اۋىسىپ، بەس كەزدەسۋ وتكىزىپ ۇلگەردى. ونىڭ ايقاستارىن Suleimen Promotion پروموۋتەرلىك كومپانياسى ۇيىمداستىرادى.

Басты сөздер: سپورت,
Жоғары қарай