Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ماسكەۋدە قاتتى جەلدەن كرەمل قورعانى زاقىمداندى

2021 жылдың 22 қазан 2021 22:30

ماسكەۋ. تاسس- قازاقپارات - ماسكەۋدەگى كرەمل قورعانىنىڭ كەرتەشتەرى قاتتى جەلدەن زاقىمداندى.

بۇل تۋرالى فەدەرالدى كۇزەت قىزمەتىنىڭ باسپا ءسوز جانە قوعاممەن بايلانىس ءبولىمى راستادى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«قورعاننىڭ سپاسسك مۇناراسىنان سەنات مۇناراسىنا دەيىنگى بولىگىندە قالپىنا كەلتىرۋ جۇمىستارى ءجۇرىپ جاتقان، الايدا بۇل جۇمىستار قاتتى جەلگە بايلانىستى ۋاقىتشا توقتاتىلعان»، - دەدى ءبولىم باستىعى دەنيس سيمونوۆ.

ونىڭ ايتۋىنشا، قۇرىلىس اعاشى جارتىلاي قيراپ، قورعان كەرتەشتەرى زاقىمدانعان. «ادامداردان ەشكىم زارداپ شەككەن جوق»، - دەدى سيمونوۆ.

ول ءتۇسىندىرۋدى وسىمەن توقتاتتى. بۇل تۋرالى ەرتەرەك تاسسقا جەدەل قىزمەتتەردەن حابار تۇسكەن بولاتىن.

«جەلدىڭ سالدارىنان قۇرىلىس اعاشى قۇلاپ، ءبىر كەترەشكە زاقىم كەلگەن»، - دەدى اگەنتتىككە سۇقبات بەرۋشى.

ماسكەۋلىك ت ج م ەرتەرەك قاتتى جەل تۋرالى ەسكەرتۋ جاساعان ەدى.

تاسس ءتىلشىسىنىڭ ايتۋىنشا، قازىرگى كەزدە قىزىل الاڭعا بارار جولداردىڭ بارلىعى جابىلعان.

اتالعان اۋداندى باقىلاۋشى قىزمەتكەرلەردىڭ سوزىنشە، الاڭ قيراۋدىڭ سالدارىنان جابىلعان. كرەمل قورعانىنداعى زاقىمدانعان كەرتەشتەردىڭ جانىندا بىرنەشە قىزمەتكەر بار، ولار قيراندىلاردى جيناستىرۋمەن اينالىسىپ جاتىر.

قورعاننىڭ ءبىر كەرتەشى تولىعىمەن جوق. بۇل وسىنداي ءبىرىنشى جاعداي ەمەس. مىسالى، 1998-جىلى قاتتى جەل كرەمل اۋماعىنداعى 200 اعاشتى قۇلاتىپ، قورعاننىڭ بىرنەشە كەرتەشىنە زاقىم كەلتىرگەن.

ال 2018-جىلدىڭ ساۋىرىندە سەنات سارايى شاتىرىنىڭ ءبىر بولىگىن ۇشىرىپ اكەتكەن.

Басты сөздер: الةم,
Жоғары қарай