Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قازاقستاندا بالالاردى مىندەتتى ۆاكسينالاۋ تۋرالى بۇيرىققا قول قويىلعانى راس پا؟

2021 жылдың 22 қазан 2021 20:30

نۇر-سۇلتان. قازاقپارات - الەۋمەتتىك جەلىلەر مەن مەسسەندجەرلەردە قازاقستاندىقتار ق ر دەنساۋلىق ساقتاۋ ءمينيسترى الەكسەي سوي بالالاردى COVID-19 قارسى مىندەتتى ۆاكسيناتسيا تۋرالى بۇيرىققا قول قويعانى تۋرالى حابارلاما تاراپ جاتىر. بۇل - جالعان، دەپ ءمالىم ەتتى Stopfake.kz.

سانيتارلىق-ەپيدەميولوگيالىق باقىلاۋ كوميتەتى 12 جاستان اسقان بارلىق بالالاردى COVID-19-عا قارسى ۆاكسيناتسياعا مىندەتتەيتىن بۇيرىق تۋرالى اقپاراتتى جوققا شىعاردى.

ۆەدومستۆونىڭ رەسمي وكىلى مۇنداي بۇيرىق جوق ەكەنىن مالىمدەدى.

- قازىرگى ۋاقىتتا ۆاكسينانىڭ قاجەتتى كولەمىن ەسەپتەۋ، سۋىق تىزبەكتى قامتاماسىز ەتۋ جۇرگىزىلدى (Pfizer ۆاكسيناسى ءۇشىن ۋلترا تومەن تەمپەراتۋرالىق رەجيمدى ساقتاۋ قاجەت - مينۋس 60 -90 گرادۋس سەلسي). جاس وسپىرىمدەردى ەگۋگە ارنالعان ۆاكسينانى الۋدىڭ بولجالدى ۋاقىتى - بيىل قاراشانىڭ ەكىنشى ون كۇندىگىندە. اتالعان توپتارعا جاتاتىن تۇلعالاردى ۆاكسيناتسيالاۋ ولاردىڭ اقپاراتتاندىرىلعان ەرىكتى كەلىسىمىنەن كەيىن، جاس وسپىرىمدەردى - تەك اتا-انالاردىڭ نەمەسە رەسمي وكىلدەردىڭ كەلىسىمى بويىنشا عانا جۇزەگە اسىرىلاتىنىن اتاپ وتكەنىمىز ءجون، - دەپ حابارلادى ەرجان بايتانايەۆ.

ايتا كەتەيىك، ەلىمىزدىڭ باس سانيتار دارىگەرى ەرلان قياسوۆ حالىقتى كوروناۆيرۋسقا قارسى Pfizer ۆاكسيناسىمەن ەگۋ بويىنشا ادىستەمەلىك ۇسىنىمداردى بەكىتكەن بولاتىن.

ءبىرىنشى كەزەڭدە پرەپارات 16-37 اپتا مەرزىمىندەگى جۇكتى ايەلدەرگە جانە 16 دان 18 جاسقا دەيىنگى جاس وسپىرىمدەرگە ەگىلەدى.

Басты сөздер: بيلئك جانة ساياسات,
Жоғары қарай