Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

شەتەلدەن اكەلىنگەن كولىكتى نەگە سەنىمحاتپەن ساتىپ الۋعا بولمايدى

2021 жылдың 18 қазан 2021 14:54

نۇر-سۇلتان. قازاقپارات - اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ شەتەلدەن اكەلىنگەن كولىكتى نەگە سەنىمحاتپەن، ساقتاندىرۋ قۇجاتتارى ارقىلى ساتىپ الۋعا بولمايتىنىن ءتۇسىندىردى، دەپ حابارلايدى قازاقپارات ءتىلشىسى.

«اۆتوموبيلدى سەنىم حات نەمەسە ساقتاندىرۋ قۇجاتى ارقىلى ساتىپ الۋدىڭ دا تاۋەكەلدەرى بار. ەگەر كولىكتىڭ يەسى شەتەلدىك بولسا، كولىك سالىعىنان جالتارۋ ءۇشىن كەز كەلگەن ۋاقىتتا ءوز ەلىندە تىركەۋدەن العىزىپ تاستاۋى مۇمكىن. وسىلايشا قازاقستانداعى يەسى تاۋەكەلگە تاپ بولادى. جول اپاتى بولعان جاعدايدا ساقتاندىرۋ كومپانيالارى كەلگەن شىعىندى اقشالاي وتەۋدەن باس تارتا الادى»، - دەدى ول ۆەدومستۆونىڭ اقپارات الاڭىندا وتكەن ونلاين بريفينگىدە.

ونىڭ مالىمەتى بويىنشا، قازان ايىنان بەرى ەلىمىزدىڭ 3 قالاسىندا وسىنداي پروبلەماسى بار 30 كولىك انىقتالعان.

«پەتروپاۆل، وسكەمەن، سەمەي قالالارىندا ءدال وسى تاۋەكەل بويىنشا تەكسەرۋ جۇرگىزدىك. سەنىمحاتپەن نەمەسە ساقتاندىرۋ قۇجاتتارى ارقىلى ساتىلعان 30 عا جۋىق كولىك بار بولىپ شىقتى. تۇيىندەسەك، سەنىمحاتپەن نەمەسە ساقتاندىرۋ قۇجاتتارى ارقىلى كولىك ساتىپ الۋ ازاماتتارىمىزدى تاۋەكەلگە تاپ كەلتىرەدى. سوندىقتان ىشكى ىستەر مينيسترلىگى قازاقستاندىقتارعا شەتەلدىك تىركەۋى بار كولىك ساتىپ العان كەزدە اتالعان تاۋەكەلدەردى ەسكەرىپ، كەلىسىمنىڭ ءبارىن قاتاڭ تۇردە قازاقستان زاڭناماسىنىڭ اياسىندا راسىمدەۋ قاجەتتىگى ەسكەرتەدى»، - دەدى سەرىك ءتۇسىپوۆ.

اۆتور: ەسىمجان ناقتىباي

Жоғары қарай