Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

كوروناۆيرۋستان كەيىنگى سيندروم دەگەن نە

2021 жылдың 16 қазан 2021 19:27

الماتى. قازاقپارات - الماتىداعى № 36 قالالىق ەمحانانىڭ باس دارىگەرىنىڭ ەمدەۋ ءىسى جونىندەگى ورىنباسارى حابيبا مۇسايەۆا قازاقپارات تىلشىسىنە كوروناۆيرۋستان كەيىنگى سيندروم تۋرالى ايتىپ بەردى.

«پوستكوۆيدتى سيندروم» تەرمينى اۋرۋدىڭ وتكىر كەزەڭى اياقتالدى، ءبىراق پاتسيەنت ءالى دۇرىس قالپىنا كەلمەدى دەگەندى بىلدىرەدى. حابيبا مۇسايەۆانىڭ ايتۋىنشا، COVID-19 جۇقتىرعانداردىڭ بارلىعى دەرلىك پوستكوۆيدتى سيندروممەن اۋىرادى.

«ازىرگە بۇل ناقتى دياگنوز ەمەس. كوروناۆيرۋستان كەيىنگى سيندروم پسيحيكالىق بۇزىلۋلارمەن عانا ەمەس، كوپتەگەن سوماتيكالىق اسقىنۋلارمەن دە سيپاتتالادى. باۋىر، بۇيرەك جانە ميدىڭ زاقىمدالۋىمەن اۋتويممۋندى رەاكتسيالاردا كەزدەسەدى. سونىمەن قاتار، COVID-19-نىڭ ورتالىق جۇيكە جۇيەسىنە اسەر ەتەدى. كوروناۆيرۋس دەرتىمەن اۋىرىپ شىققان ادامدا، مازاسىزدانۋ، ۇيقى قاشۋ، ۋايىمداۋ، شوشۋ، تورىعۋ پايدا بولادى»، - دەيدى دارىگەر.

ونىڭ ايتۋىنشا، استەنيا - بىرتىندەپ سيحوپاتولوگيالىق بۇزىلىستى دامىتادى، دەنەنىڭ كوپتەگەن اۋرۋلارىمەن بىرگە جۇرەدى.

«استەنيا شارشاۋدى كورسەتەدى، اقىل- وي مەن فيزيكالىق ونىمدىلىكتىڭ تومەندەتەد. اۋرۋ بارىسىندا پسيحولوگيالىق جانە پسيحياتريالىق كورىنىستەردەن باسقا، ءبىز پوستكوۆيدتى سيندرومدا سيمپتومداردىڭ تۇتاس كەشەنىن كورەمىز. بۇل ءبىرىنشى رەت 2020 -جىلدىڭ جازىندا بايقالدى. ماسەلەن ءيىس سەزۋدىڭ بۇزىلۋى بىرنەشە اپتاعا، ءتىپتى ايلارعا سوزىلۋى مۇمكىن. سونىمەن قاتار، ميكرونيەۆرولوگيالىق بەلگىلەر پايدا بولۋى مۇمكىن»، - دەيدى سپيكەر.

سونىمەن قاتار، ول كوروناۆيرۋستان جازىلىپ شىققان پاتسيەنتتەرگە مىندەتتى تۇردە دارىگەرگە قارالىپ تۇرۋعا كەڭەس بەردى.

« كوروناۆيرۋستان كەيىن، دەنساۋلىعىڭىزدا قانداي دا وزگەرىستەر بايقالسا، دارىگەرگە جۇگىنگەن ابزال. ماماندار ءۇشىن پوستكوۆيدتىق سيندرومى بار ادامدار اۋىر كونتينگەنت بولىپ سانالادى. مۇنداي ناۋقاستار سوماتيكالىق بۇزىلۋلاردى تۇزەتۋ ءۇشىن، مۇمكىن، ۇزاق مەرزىمدى وڭالتۋدى قاجەت ەتەدى، - دەدى حابيبا مۇسايەۆا.

سونداي- اق دارىگەر قازىرگى ۋاقىتتا كوروناۆيرۋستىڭ ءار ءتۇرلى شتامدارى بار بولعاندىقتان ادامدار ينفەكتسيانى قايتا جۇقتىرىپ الۋى مۇمكىن ەكەنىن ەسكە سالدى.

«سوندىقتان، ەڭ الدىمەن، ءوزىڭىزدى ۆاكتسينامەن قورعاۋ كەرەك. ءسىز باسقالاردى تەك ەكپە الۋ ارقىلى عانا قورعايسىز. ادامدار ءولىپ جاتىر. كوروناۆيرۋس - وتە قورقىنىشتى ينفەكسيا»، - دەپ قورىتىندىلادى ول.

Басты сөздер: قوعام,
Жоғары қарай