Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

شاشتى بۇلدىرەتىن زيان ادەتتەر

2021 жылдың 15 қазан 2021 21:30

نۇر-سۇلتان. قازاقپارات - ءار قىز شاشىنىڭ ادەمى كورىنگەنىن قالايدى، سوندىقتان بارىنشا دۇرىس كۇتىم جاساۋعا تىرىسادى.

شاشىڭىزعا جاساپ جۇرگەن كۇتىمىڭىز ءوز ناتيجەسىن جىلدام بەرۋى ءۇشىن جانە سول قالپىن ۇزاق ۋاقىت ساقتاۋ ءۇشىن كەي ادەتتەردەن ارىلۋ كەرەك. بۇل ادەتتەردىڭ شاش جاعدايىنا جاعىمسىز اسەر ەتەتىنىن بىلمەۋىڭىز نەمەسە بايقاماۋىڭىز ابدەن مۇمكىن.

1. تاراقتى تازالاماۋ

تاراققا ميكروب كوپ جينالادى. سوندىقتان ونىڭ تازالىعىنا اسا ءمان بەرۋ كەرەك. شاشتى ءار تاراعان سوڭ وعان جينالعان شاشتى بىردەن الىپ تاستاڭىز. سودان سوڭ ايىنا ءبىر رەت ونى جاقسىلاپ جۋىپ تۇرىڭىز. تاراقتى اس سوداسى قوسىلعان جىلى سۋعا بىرنەشە مينۋتقا سالىپ قويىپ، سودان سوڭ جۋىپ الۋعا بولادى. سول كەزدە تاراقتاعى ماي، شاڭ جاقسى تازالانادى.

سونداي-اق تاراقتى اۋىستىرىپ تۇرعان دا ءجون. ونى قولدانۋ ۋاقىتى تاراقتىڭ ماتەريالىنا بايلانىستى. مىسالى، تاراعىڭىز اعاشتان جاسالعان بولسا، ونى ءار ءۇش اي سايىن اۋىستىرىپ تۇرۋ كەرەك. ەگەر تاراقتىڭ ءبىر جەرى سىنعان بولسا، ونى بىردەن اۋىستىرىڭىز. سەبەبى ول شاشىڭىزدى جۇلادى. ەگەر تاراق ەش زاقىمدالماعان بولسا، ونى گيگيەنا تالابىنا ساي جىلىنا ءبىر رەت اۋىستىرعان جەتەدى.

2. تەرموقورعانىش قۇرال قولدانباۋ

شاش ساندەۋشى ماماندار مۇنداي قۇرالداردى قولدانۋ شاش كۇتىمىنىڭ مىندەتتى كەزەڭىنە اينالۋ كەرەگىن ايتادى. تەرموسپرەي شاش قۇرىلىمىنىڭ زاقىمدالۋىنىڭ الدىن الادى. ارينە، بۇل قۇرالدار شاشتى %100 قورعامايدى. ءبىراق فەن نەمەسە شاش بۇيرالايتىن نەمەسە تۇزۋلەيتىن قۇرالداردى كۇندە قولداناتىن بولساڭىز، مىندەتتى تۇردە شاشقا الدىمەن تەرموقورعانىش قۇرال جاعۋ كەرەك.

3. شاشتى قاتتى رەزەڭكەمەن بۋۋ

ەگەر شاشتى ماتامەن قاپتالعان جىڭىشكە رەزەڭكەمەن قاتتى قىسىپ بايلاساڭىز، شاش سىنعىش بولا تۇسەدى. مۇنداي رەزەڭكەنىڭ ورنىنا قىستىرعىشتار قولدانعان ءجون.

4. شاشتارازعا وتە سيرەك بارۋ

ۋاقىت وتە قاتتى ۇشتالماعان شاشتىڭ ءوزى وتە ۇساق شاشتارعا ءبولىنىپ، ولار ءالسىز بولا تۇسەدى. سوندىقتان شاش كۇتىمدى كورىنۋى ءۇشىن ونىڭ ۇشتارىن ءبىر نەمەسە ەكى ايدا ءبىر رەت از-ازدان قيىپ تۇرعان دۇرىس.

5. بارلىق كۇتىم قۇرالىن بىردەن قولدانۋ

كەي قىزداردىڭ بارلىق كۇتىم قۇرالىن بىردەن قولداناتىن ادەتى بار: باس تەرىسىنە سكراب جاعۋ، شاشقا ماسكا جاعۋ، بالزام نەمەسە كونديتسيونەر قولدانۋ، ال ودان سوڭ شاشقا تەرموقورعانىش، ماي، قانداي دا ءبىر سپرەي، كەيدە، ءتىپتى، شاشقا ارنالعان كرەم جاعۋ. بۇل ادەتىڭىزبەن شاشتىڭ تابيعي مايىن كەتىرىپ تاستايسىز: ول شاش دەنساۋلىعىندا ماڭىزدى ءرول اتقارادى. ونىڭ ۇستىنە قۇرالداردىڭ كوپ بولۋى شاشتى اۋىرلاتادى، سوندىقتان شاش كولەمىن جوعالتادى.

6. شاش كەپكەنشە ونى سۇلگىمەن وراپ ءجۇرۋ

فيلمدەردە قىزدار، ادەتتە، شاشىن جۋىپ بولعان سوڭ ونى سۇلگىمەن وراپ قويىپ جۇرەدى. بۇل ادەت شاشقا كەرى اسەر ەتەدى. سەبەبى سۇلگىلەردى كوبىنە قاتتى ماتادان جاسايدى، ال ول شاشتى زاقىمدايدى جانە سىنعىش ەتەدى. ونىڭ ورنىنا ميكروفيبرادان جاسالعان جاقسى جەڭىل سۇلگى تابىڭىز نەمەسە ونى باسىڭىزعا وراپ جۇرمەي، تەك ىلعالدى ءسىڭىرىپ الىڭىز.

7. شاشتى كۇندە جۋۋ

شاشتى كۇندە جۋساڭىز، باس تەرىسى تابيعي باعالى مايىن جوعالتادى. شاشتى ءار ەكى-ءۇش كۇن سايىن جۋىڭىز. ارينە، ەستەتيكالىق ءتۇرى ساقتالسا، شاشتى جۋماي، ودان دا ۇزاققا شىداۋعا بولادى. شاشتى ەكى-ءۇش كۇندە ءبىر رەت جۋۋعا ۇيرەتۋ ءۇشىن باستاپقى كەزدە سول ارالىقتا قۇرعاق سۋسابىن قولدانۋعا بولادى.

8. سۋ شاشتى تاراۋ

سۋ شاش — ءالسىز شاش. سوندىقتان ونى تىستەرى الشاق ورنالاسقان تاراقپەن جايلاپ تاراڭىز نەمەسە الدىمەن شاشقا ونىڭ ۇيىسقاقتىعىن كەتىرەتىن سپرەي شاشىپ الىڭىز.

9. شاشقا ارنالعان پروتسەدۋرالاردان سوڭ سۋسابىندى اۋىستىرماۋ

شاشقا قانداي دا ءبىر پروتسەدۋرا جاساساڭىز، شاش كۇتىمىنە ارنالعان قۇرالداردى اۋىستىرۋ كەرەك. مىسالى، ەگەر شاشتى اعارتقان بولساڭىز، پروتسەدۋرا كەزىندە زاقىمدالعان شاشتاردى قالپىنا كەلتىرۋ ءۇشىن ارنايى قۇرالدار الىڭىز. سول سەكىلدى كەراتينمەن تۇزەتۋ پروتسەدۋراسىن جاساعان بولساڭىز، مامان سىزدەن بىردەن قۇرامىندا سۋلفاتى جوق سۋسابىن الۋدى وتىنەدى. سەبەبى قاراپايىم سۋسابىندار قۇرامىنداعى سۋلفات پروتسەدۋرا اسەرىن جۋىپ تاستايدى.

massaget.kz


Басты сөздер: قوعام,
Жоғары қарай