Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەستىمەگەن ەلدە كوپ: ءبىر عانا ادام تۇراتىن قالالار

2021 жылдың 14 қазан 2021 21:13

نۇر-سۇلتان. قازاقپارات - قالالاردى الىپ قالالار، ورتاشا قالالار، ۇساق قالالار دەپ بولۋگە بولادى.

ءبىراق ەلدەردىڭ حالىق سانى ءارتۇرلى بولۋىنا بايلانىستى ەلدى مەكەنگە «قالا» اتاعىن بەرۋگە قاجەتتى تالاپ تا بىردەي ەمەس.

مىسالى، دانيادا تۇرعىلىقتى جەردەگى ادام سانى 250، كانادادا 1000، گەرمانيادا 2000 ادام، ا ق ش- تىڭ ءبىرشاما شتاتتارىندا 12000 ادام، ءۇندىستاندا 5000 ادام، مالايزيادا 10000 ادام بولعاندا عانا «قالا» دەپ ەسەپتەۋ مۇمكىن بولادى. ءبىراق الەم ەلدەرىندە حالىق سانى ءبىر ادامنان تۇراتىن قالالار دا بار ەكەن. كەزىندە تۇرعىنى كوپ قالا زامان دامۋىنا ىلەسە الماي، قاڭىراپ قالعان.

بۋفورد، ۆايومينگ، ا ق ش

جالعىز تۇرعىنى: دەن سالمون




2438 مەتر بيىكتىكتە لاريما مەن شايەنن قالالارى ورتاسىندا ورنالاسقان بۋفورد - كوممەرتسيالىق ەمەس بىرلەستىك (ولباني وكرۋگى، ۆايومينگ، ا ق ش). بۇل قالا نيۋ-يورك پەن سان-فرانتسيسكونى بايلانىستىراتىن تاس جولداعى ەڭ بيىك ەلدى مەكەن. ونىڭ جالعىز تۇرعىنى دەن سالمون مۇندا تازالاۋشى، جانارماي بەكەتىنىڭ جانە جەرگىلىكتى دۇكەننىڭ ساتۋشىسى جانە اكىم بولىپ جۇمىس ىستەيدى.

مونوۆي، نەبراسكا، ا ق ش

جالعىز تۇرعىنى: ەلسي ەيلەر




مونوۆيدە 1930-جىلدارى 150 ادام ءومىر سۇرگەن. ۇلى جازىقتاعى كوپتەگەن باسقا قالالار سياقتى، مونوۆي دە جەرگىلىكتى تۇرعىندارىنان باسقا قالالاردىڭ ءوسىپ، دامىعانىنا بايلانىستى ايىرىلدى.

2000-جىلعى ساناق كەزىندە قالادا تەك 2 ادام - ەرلى-زايىپتىلار رۋدي مەن ەلسي ەيلەر تۇردى. ەيلەر مىرزا 2004-جىلى قايتىس بولدى دا، ونىڭ ايەلى بۇل جەردىڭ جالعىز تۇرعىنىنا اينالدى. ول اكىم رەتىندە قىزمەت ەتەدى، الكوگولگە ليتسەنزيا بەرەدى جانە قالانىڭ جول تورابىن دامىتۋ ءۇشىن ءتورت كوشەنى جارىقتاندىرۋعا بايلانىستى وزىنە-ءوزى سالىق تولەيدى.

كەسس، جاڭا زەلانديا

جالعىز تۇرعىنى: بارري درامموند




كەسس - جاڭا زەلانديانىڭ وڭتۇستىگىندەگى كەنتەربەري ايماعىندا ورنالاسقان قالا. 73-مەملەكەتتىك ماگيسترال قالادان الىس ەمەس جەردە وتەدى جانە الەمدەگى حالىق سانى از اۋدانداردىڭ ءبىرى بولىپ تابىلادى. ميدلەند تەمىرجولىندا كريستچەرچتەن باتىس جاعالاۋعا دەيىنگى ستانتسيا 1910-جىلى سالىنعان.

1923-جىلى وتيرا تۋننەلى اشىلىپ، تەمىرجول تولىق جۇمىس ىستەي باستادى. 1987-جىلدان باستاپ قالا ارقىلى TranzAlpine جولاۋشىلار پويىزى ءوتتى. قالادا 5 ءۇي بار، ءبىراق وندا ءبىر-اق ادام - بارري درامموند تۇرادى. بۇل كاسستى 1 ادام تۇراتىن ساناۋلى ەلدى مەكەندەردىڭ ءبىرى ەتەدى. قالادا قوناق ءۇي، سونداي-اق 170 ادام جۇمىس ىستەيتىن Cass Contracting ءىرى قۇرىلىس فيرماسى بار.

روشفۋرشا، فرانسيا

جالعىز تۇرعىن: جان- باتيست ليۋليۋ




فرانسيانىڭ وڭتۇستىك-شىعىسىنداعى Rh-ne-Alpes ايماعىنداعى كوممۋنانىڭ تۇرعىنى - جان-باتيست ليۋللي. ول ەسكى قامالدا كۇتۋشى بوپ جۇمىس ىستەيدى.

بونانزا، يۋتا، ا ق ش




بونانزا كولورادو ۇستىرتىندە ورنالاسقان، مۇندا سلانەتستەن (تاۋ جىنىسىنان) جانە باسقا دا قازبا وتىندارىنان مۇناي الىنادى. حالىق ساناعى بويىنشا مۇندا ءبىر ادام تۇرادى. ءبىراق جۇمىسشىلار توبى ۇنەمى مۇناي ءوندىرىسىن باقىلاۋعا كەلەدى.

ويل-سپرينگس، نيۋ-يورك، ا ق ش




ويل سپرينگس قالاسى، (Oil - مۇناي) اتاۋىنا قاراماستان، مۇناي وندىرۋمەن اينالىسپايدى. ونىڭ جالعىز تۇرعىنى امەريكالىق سەنەكا تايپاسىنان شىققان ءۇندىس.

massaget.kz


Басты сөздер: الةم,
Жоғары қарай