Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

مەملەكەت باسشىسى تۇرىكمەنستان پرەزيدەنتىن قۇتتىقتادى

2021 жылдың 27 қыркүйек 2021 12:25

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ پرەزيدەنت گۋربانگۋلى بەردىمۇحامەدوۆكە جەدەلحات جولدادى.

وندا بارشا قازاقستاندىقتاردىڭ جانە جەكە ءوزىنىڭ اتىنان تۇرىكمەنستاننىڭ كوشباسشىسى مەن تۇرىكمەن حالقىن تاۋەلسىزدىكتىڭ 30 جىلدىعىمەن قۇتتىقتاعان، دەپ حابارلايدى اقوردانىڭ باسپا ءسوز قىزمەتى.

- بۇل تاريحي داتا ءسىزدىڭ حالقىڭىزدىڭ جالپى ۇلت بولىپ ۇيىسقانىن جانە جاسامپازدىق رۋحىنىڭ بيىك ەكەنىن كورسەتەدى. تۇرىكمەنستاننىڭ مەملەكەتتىلىگى مەن ورنىقتىلىعىن ودان ءارى نىعايتۋدا مۇنىڭ ءمانى زور. ءسىزدىڭ كورەگەن باسشىلىعىڭىزدىڭ ارقاسىندا زاماناۋي تۇرىكمەنستان بەيتاراپ مەملەكەت رەتىندە الەۋمەتتىك- ەكونوميكالىق جاڭعىرۋ جانە حالىقارالىق ارەناداعى ورنىن نىعايتۋ تۇرعىسىنان زور جەتىستىكتەرگە قول جەتكىزدى، - دەلىنگەن جەدەلحاتتا.

سونىمەن قاتار قاسىم-جومارت توقايەۆ وسى جىلدار ىشىندە قازاق- تۇرىكمەن ستراتەگيالىق سەرىكتەستىگى كوپ عاسىرلىق دوستىق، تاتۋ كورشىلىك جانە ءوزارا قولداۋ رۋحىندا دامىپ كەلە جاتقانىن اتاپ ءوتتى.

- وسىناۋ اتاۋلى مەرەكە كۇنى ءسىزدىڭ اسا جاۋاپتى مەملەكەتتىك قىزمەتىڭىزگە تابىس تىلەيمىن جانە باۋىرلاس تۇرىكمەنستان حالقىنىڭ ءوسىپ-وركەندەي بەرۋىنە نيەتتەستىك بىلدىرەمىن، - دەپ جازىلعان جەدەلحاتتا.


Басты сөздер: الةم,
Жоғары қарай