Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قازاقستاندا باسپاناعا مۇقتاج ادامدار سانى ءوسۋى مۇمكىن

2021 жылдың 24 қыркүйек 2021 14:10

نۇر-سۇلتان. قازاقپارات - قازاقستان قۇرىلىسشىلار وداعىنىڭ باسشىسى تالعات ەرعاليەۆ تۇرعىن ۇيگە مۇقتاجداردىڭ بىرنەشە ەسە كوبەيەتىنىن بولجاپ وتىر، دەپ حابارلايدى قازاقپارات ءتىلشىسى.

«قازىر باسپاناعا مۇقتاج 2 ميلليون ادام بار. ۋربانيزاتسيانىڭ قارقىنىن ەسكەرسەك، باسپاناعا مۇقتاج تاعى 5 ميلليون ادامنىڭ قالاعا اعىلاتىنىن بولجاۋعا بولادى. ناتيجەسىندە تۇرعىن ۇيگە قاجەتتىلىگى بار حالىق سانى 7 ميلليوننان اسۋى مۇمكىن. ءبىراق بۇل تەك ەلوردادا عانا ەمەس، بارلىق قالالاردا»، - دەدى تالعات ەرعاليەۆ ۇيىم وتىرىسىنىڭ الدىندا ب ا ق وكىلدەرىنە بەرگەن سۇحباتىندا.

ول بۇل ويىن مىناداي بولجامدارمەن ءتۇسىندىردى.

«اۋىل تۇرعىندارى وبلىس ورتالىقتارى مەن قالالارعا، نۇر-سۇلتان، شىمكەنت جانە الماتى سياقتى ءىرى قالالارعا كوشەدى. مۇنداي جاعداي 10 جىل ىشىندە كۇتىلەدى. ويتكەنى، ءىرى قالالار مەن وبلىس ورتالىقتارىنداعى ءومىر ءسۇرۋ دەڭگەيى اۋىلدىق جەرلەرگە قاراعاندا جاقسى. بۇگىندە اۋىلدا قاجەت ماماندىقتار بويىنشا كوپتەگەن گرانتتار بەرىلىپ جاتىر. ياعني، اۋىل جاستارىنىڭ وقۋعا كەلۋى بۇرىنعىدان دا كوبەيەدى. ال قالادا ءبىراز ۋاقىت وقىپ، ءومىر سۇرگەن ادامدار اۋىلعا ورالعىسى كەلمەيدى. وسىنىڭ ءبارىن ويلاپ، كوشى- قون ءۇردىسىن وسىلاي بولجاپ وتىرمىز»، - دەدى قۇرىلىسشىلار وداعىنىڭ باسشىسى.

اۆتور: ەسىمجان ناقتىباي

Басты сөздер: قوعام,
Жоғары қарай