Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قازاقستاندا د د س ۇ باعدارلاماسى بويىنشا جاتتىقتىرۋشىلاردىڭ ەكىنشى توبىن وقىتۋ باستالدى

2021 жылдың 22 қыркүйек 2021 20:42

نۇر-سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ مينيسترلىگى ب ۇ ۇ بالالار قورىمەن (يۋنيسەف) بىرلەسىپ، الماتىدا CST باعدارلاماسى بويىنشا اتا-انالاردى دامۋىندا ەرەكشەلىكتەرى بار بالالارعا كۇتىم جاساۋ داعدىلارىنا وقىتۋ ءۇشىن جاتتىقتىرۋشىلاردىڭ ەكىنشى توبىن دايىنداۋدى باستادى، دەپ حابارلايدى قازاقپارات.

14 ادامنان تۇراتىن بولاشاق جاتتىقتىرۋشىلاردىڭ ءبىرىنشى توبىن وقىتۋ 19-23- شىلدە ارالىعىندا شىمكەنتتە ءوتتى. ەكىنشى توپقا الماتى، نۇر-سۇلتان، اتىراۋ، اقتوبە، پاۆلودار، قىزىلوردا، تۇركىستان، تاراز جانە شىمكەنت قالالارىنان 21 ادام كىردى.

قاجەتتى ءبىلىم مەن داعدىلاردى العاننان كەيىن ولار وتباسىلارىمەن بىرگە 40 بالامەن اينالىسادى.

وقۋ كۋرسىنا ماتەريالداردى بەيىمدەۋ، جاتتىقتىرۋشىلاردى دايارلاۋ، ماماندار مەن اتا-انالاردى وقىتۋ كىرەدى.

دامۋىندا كىدىرىسى بار، ونىڭ ىشىندە اۋتيستىك سپەكتردىڭ بۇزىلۋى بايقالاتىن 2-9 جاستاعى بالالاردى كۇتىپ-باعۋمەن اينالىساتىن ادامدار اتالعان باعدارلامانىڭ نىسانالى توبى بولىپ تابىلادى.

الايدا، وقۋ باعدارلاماسىن نورماتيپتى بالالارعا دا قولدانۋعا بولادى. كۋرستىڭ ماقساتى - اتا-انا مەن بالانىڭ وڭتايلى ءوزارا ءىس-قيمىلىن دامىتۋ، ولاردىڭ اراسىنداعى قارىم-قاتىناستى نىعايتۋ، بىرلەسكەن كەلىسىم مەن ءوزارا قارىم-قاتىناستى دامىتۋ، مىنەز-قۇلىقتى باسقارۋ داعدىلارىن جاقسارتۋ، بەيىمدەلۋ داعدىلارىن دامىتۋ جانە وتباسى ومىرىنە قاتىسۋ ارقىلى جاعىمسىز مىنەز-قۇلىقتى ازايتۋ. سونداي-اق، جوبا سترەستى جاعدايلاردى باسقارۋ داعدىلارىن دامىتۋدى، تۇيتكىلدەردى شەشۋدى جانە جالپى اتا-انالاردىڭ ءال-اۋقاتىن جاقسارتۋدى كوزدەيدى.

ەستەرىڭىزگە سالا كەتەيىك، CST (CaregiverSkillsTrainingforFamiliesofchildrenwithdevelopmentaldisoders) - بۇل دۇنيەجۇزىلىك دەنساۋلىق ساقتاۋ ۇيىمىنىڭ اتا-انالارعا دامۋى كەش نەمەسە دامۋى ارتتا قالعان بالالارعا كۇتىم جاساۋ داعدىلارىن ۇيرەتۋگە ارنالعان باعدارلاماسى.

باعدارلامادا مىنەز-قۇلىقتى قولدانبالى تالداۋ، دامۋ تۋرالى عىلىم، الەۋمەتتىك كوممۋنيكاتسيا ءىس-شارالارى، وڭ تاربيە جانە وزىنە-ءوزى قىزمەت كورسەتۋ ادىستەرى قاعيداتتارى قولدانىلادى. سونىمەن قاتار، باعدارلامادا ناقتى جاعدايدا نە ىستەۋ كەرەك، جاقىن بولاشاقتا قانداي مىندەتتەر مەجەلەگەن ابزال سياقتى ەرەسەك تاراپ پەن بالانىڭ ءوزارا ارەكەتتەسۋىنىڭ قادامدىق ستراتەگيالارى بار.

Басты сөздер: قوعام,
Жоғары қарай