Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قازاقستاندا كوزدىڭ قاتەرلى ىسىگىن ەمدەيتىن جاڭا ءادىس قولدانىلا باستادى

2021 жылдың 22 қыркүйек 2021 18:54

الماتى. قازاقپارات - پەدياتريا جانە بالالار حيرۋرگياسى عىلىمي ورتالىعى ورتالىق ازيادا العاش رەت رەتينوبلاستومانىڭ كوزدى ساقتاۋعا مۇمكىندىك بەرەتىن سەلەكتيۆتى ينتراارتەريالىق حيميوتەراپيانىڭ جوعارى تەحنولوگيالىق ورگان ساقتاۋ ەمىن جۇرگىزۋدى باستالدى.

كوزدىڭ قاتەرلى دەرتىندە قولداناتىن بۇل ەم كوزدى، ءتىپتى كوزدىڭ كورۋ قابىلەتىن ساقتاۋعا مۇمكىندىك بەرەدى، دەپ حابارلايدى قازاقپارات ءتىلشىسى.





رەتينوبلاستوما - كوزدىڭ قاتەرلى ىسىگىنىڭ سيرەك كەزدەسەتىن ءتۇرى. بۇل دەرت بالالار اراسىندا كەڭ تاراعان. رەتينوبلاستوما بۇكىل كوز الماسىن ىسىك تىنىمەن تولتىرۋمەن، كورۋ جۇيكەسىنە، كوزۇياسىنا، ميعا قاراي وسەتىن اگرەسسيۆتى اعىممەن سيپاتتالادى. ىسىك كورۋ قابىلەتىنىڭ جوعالۋى تۇرىندە عانا قاتەرلى ەمەس، سونىمەن قاتار مەتاستازدىڭ جانە باسقا مۇشەلەردەگى ەكىنشى قاتەرلى ىسىكتەردىڭ دامۋىنا اكەلۋىمەن دە قاۋىپتى.

جىل سايىن الەمدە رەتينوبلاستوما دياگنوزىمەن 8100 بالا تىركەلەدى. ونىڭ 570 - 810-ى جاڭا تۋعان كەزدە انىقتالادى. پەدياتريا جانە بالالار حيرۋرگياسى عىلىمي ورتالىعى ۇسىنعان مالىمەتكە سۇيەنسەك، جىل سايىن قازاقستاندا كوزدىڭ قاتەرلى ىسىگىنىڭ (رەتينوبلاستومانىڭ) 20-25 جاڭا جاعدايى انىقتالادى. 2015 -جىلدان باستاپ رەتينوبلاستوماسى بار بارلىق ناۋقاستار پەدياتريا جانە بالالار حيرۋرگياسى عىلىمي ورتالىعىندا ەمدەلۋدە.





پەدياتريا ورتالىعىندا قازاق كوز اۋرۋلارى ع ز ي- مەن بىرگە لازەرلى ترانسپۋپيلليارلى تەرموتەراپيا، ينتراۆيترەالدى حيميوتەراپيا، كريودەسترۋكتسيا ەمدەرى ەنگىزىلگەن، ەندى ورگان ساقتاۋ ادىستەرىنىڭ ءبىرى - سەلەكتيۆتى ينتراارتەريالدى حيميوتەراپيا قولدانىلاتىن بولادى.





«پەدياتريا ورتالىعىندا كوزدىڭ قاتەرلى ىسىگىنە وتا جاساۋ ءۇشىن بارلىق جاعداي جاسالعان - ارنايى مەديتسينالىق جابدىقتار، قوندىرعى جانە بىلىكتى ماماندارىمىز بار. قازاقستاندا العاش رەت ورگان ساقتاۋعا مۇمكىندىك بەرەتىن سياحت وپەراتسياسى باستالدى. ءبىز ءۇشىن جانە ناۋقاس بالالاردىڭ اتا- انالارى ءۇشىن ەمنىڭ جاڭا ءتۇرىنىڭ ەنگىزىلۋى بىرەگەي، ەرەكشە وقيعا. 2016 -جىلدىڭ قاراشا ايىندا رەتينوبلاستوما كەزىندەگى سياحت- تىڭ جاڭا تەحنولوگياسىن قاراستىرۋعا ءوتىنىم بەرگەن ەدى. پاندەمياعا بايلانىستى كلينيكالىق حاتتاما 2021 -جىلعى 25 -تامىزدا عانا بەكىتىلدى. وسى ۋاقىت ىشىندە ءبىز 2 ماستەر- كلاسس وتكىزىپ، 12 بالاعا وپەراتسيا جاسادىق»، - دەيدى دارىگەر- وفتالمولوگ ەلەنا تيان.





ونىڭ ايتۋىنشا، امەريكا قۇراما شتاتتارىندا جانە ەۋروپادا 15 جىل، رەسەيدە 10 جىلدان بەرى قولدانىلىپ كەلە جاتقان سەلەكتيۆتى ينتراارتەريالدى حيميوتەراپيا ەمى جوعارى تيىمدىلىكتى كورسەتتى، كوزدى ورگان رەتىندە، ءتىپتى كورۋ قابىلەتىن ساقتاۋعا مۇمكىندىك بەرەدى. ا ق ش- تا قولدانۋ جىلدارىندا كوز الماسىن الىپ تاستاۋ وپەراتسيالارىنىڭ سانى %95- دان % 8- عا دەيىن قىسقاردى.

«كوزدىڭ قاتەرلى دەرتىنە شالدىققان بالالاردىڭ اتا- انالارى كوزدەرىن ساقتاپ قالۋعا تىرىسىپ، بۇرىن شەتەلدىك كۆوتامەن نەمەسە ءوز قاراجاتىمەن شەتەلگە ەمدەلۋگە باراتىن. ەندى ءبىزدىڭ ەلىمىزدىڭ پاتسيەنتتەرىندە ءوز ەلىمىزدە ەمدەلۋگە مۇمكىندىكتەرى بار. رەتينوبلاستومانىڭ ورگان ساقتايتىن ەمىنىڭ بارلىق تۇرلەرىن تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) ەسەبىنەن تەگىن الا الاتىن بولادى»، - دەدى دارىگەر.

اۆتور: الما مۇقانوۆا









Басты сөздер: قوعام,
Жоғары қарай