Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

گيننەستىڭ رەكوردتار كىتابى عالامشاردىڭ ەڭ كارى ەگىزدەرىن اتادى

2021 жылдың 21 қыркүйек 2021 09:47

نۇر- سۇلتان. قازاقپارات - جاپونيادا 107 جىل جانە 300 كۇننەن استام ءومىر سۇرگەن اپالى- ءسىڭلىلى ۋمەنو سۋمياما مەن كوۋمە كوداما عالامشاردىڭ ەڭ كارى ەگىزدەرى اتانىپ، گيننەستىڭ رەكوردتار كىتابىنا ەندى، دەپ حابارلايدى قازاقپارات BBC اگەنتتىگىنە سىلتەمە جاساپ.

ولار 1913 -جىلى كاگاۆا پرەفەكتۋراسىنىڭ سەدو ارالىندا دۇنيەگە كەلگەن. ۋمەنونىڭ ءتورت، ال كۋمەنىڭ ءۇش بالاسى بار. قازىرگى كەزدە ۋمەنو مەن كۋمە ەلدىڭ ءتۇرلى بولىگىندەگى قارتتار ۇيىندە تۇرىپ جاتىر. گيننەستىڭ رەكوردتار كىتابىنا ەنگەنى تۋرالى سەرتيفيكاتتار كوروناۆيرۋس پاندەمياسىنا بايلانىستى پوشتا ارقىلى جىبەرىلگەن.

جاڭا رەكورد جاپونيادا جىل سايىن اتاپ وتىلەتىن قارتتاردى قۇرمەتتەۋ كۇنىنە ورايلاستىرىلعان. ۋمەنو سۋمياما مەن كومە كوداما بۇعان دەيىن 2000 -جىلى جاپوندىق اپالى- ءسىڭلىلى ەگىزدەر كين مەن ءدجيننىڭ رەكوردىن جاڭارتتى. ولاردىڭ جاسى 107 جىل، 175 كۇنگە تولعان ەدى. كين 2000 -جىلدىڭ قاڭتارىندا، ال دجين ءبىر جىلدان كەيىن، 108 جاسىندا قايتىس بولعان. سوڭعى جىلدارى نوگويادا اپالى- ءسىڭلىلى كەيۋانالار ەرەكشە تانىمال بولعان ەدى.

جاپونيا - الەمدە ۇزاق ءومىر سۇرۋشىلەرى ەڭ كوپ ەل. گيننەستىڭ رەكوردتار كىتابىنىڭ مالىمەتىنشە، الەمدە جاسى ەڭ ۇلكەن ايەل 118 دە - بۇل تيتۋل جاپونيانىڭ فۋكوكا ارالىندا تۇراتىن كانە تاناكاعا تيەسىلى. جاسى ەڭ ۇلكەن ەر ادام - 1908 -جىلى دۇنيەگە كەلگەن پۋەرتوريكاندىق ەميليو فلورەز ماركەز، ول 112 جاستا. الەمدە ءومىر سۇرگەن ەڭ كارى ادام فرانتسۋز ايەلى جاننا كالمان ەدى (122 جاس، 164 كۇن).

ەر ادامدار اراسىندا بۇل رەكوردتى 116 جىل جانە 54 كۇن ءومىر سۇرگەن جاپوندىق تيتەتسۋ ۆاتا.

Басты сөздер: الةم,
Жоғары қарай