Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

تابيعاتتىڭ توسىن مىنەزى الەمدە دۇربەلەڭ تۋدىردى

2021 жылдың 26 шілде 2021 22:08

نۇر-سۇلتان.قازاقپارات - الاپات ورتتەن بولەك توپان سۋ دا ەلدىڭ ەسىن شىعاردى. توپەلەپ جاۋعان جاڭبىردان كارى قۇرلىقتىڭ بىرنەشە مەملەكەتىندە سۋ تاسقىنى ءجۇردى.

لوندوندا كولىك قوزعالىسى تۇرالاپ قالدى. ال بەلگيانىڭ دينان قالاسىنداعى لاي كوشكىنى ونداعان كولىكتى شايىپ اكەتتى. بىرنەشە عيمارات قيرادى. قىتايدىڭ شىعىسىنا ينفا تايفۋنى قايتىپ ورالدى. وسىعان بايلانىستى جىجياڭ پروۆينتسياسىندا 1 جارىم ميلليوننان استام تۇرعىن قاۋىپسىز جەرگە كوشىرىلدى. جاعالاۋداعى كەمەلەر مەن جۇردەك پويىزداردىڭ جۇرۋىنە تىيىم سالىندى، ونداعان اۋەجاي جۇمىسىن توقتاتتى.

ال شانحايدان 360 مىڭ ادام ەۆاكۋاتسيالاندى. ساقتىق ماقساتىندا قوعامدىق كولىك قوزعالىسى توقتاپ، بارلىق اۋە رەيستەرى كەيىنگە شەگەرىلدى. ءۇندىستاندا تولاسسىز جاۋىن الەككە سالىپ جاتىر. ويتكەنى ءبىراز ءوڭىردى سۋ باسىپ، لاي كوشكىنى جۇرگەن. قاپىلىستا 100 دەن استام ادام وپات بولدى. جوعالىپ كەتكەندەر دە جەتەرلىك. سينوپتيكتەردىڭ ايتۋىنشا، مۇنداي كۇن رايى ءالى بىرنەشە كۇنگە جالعاسادى. تابيعات اپاتتارى مۇنىمەن توقتاپ قالمايدى.

سەبەبى بۇل كليماتتىڭ وزگەرۋىمەن بايلانىستى، دەيدى عالىمدار. مامانداردىڭ ايتۋىنشا، كومىرقىشقىل گازدىڭ كەسىرىنەن اۋا تەمپەراتۋراسى كوتەرىلەدى. ال ونىڭ ارتى تولاسسىز جاۋىن- شاشىن مەن قۇرعاقشىلىققا ۇلاسادى. سوندىقتان عالىمدار الەمدىك قاۋىمداستىقتى اۋاعا كەتەتىن زياندى زاتتار كولەمىن بارىنشا ازايتۋعا شاقىرادى.

www.24.kz

Басты сөздер: الةم,
Жоғары қарай