Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

«قازاقپارات» ح ا ا ءتىلشىسى سەنات ۇيىمداستىرعان بايقاۋدىڭ جەڭىمپازى بولدى - فوتو

2021 жылдың 25 маусым 2021 16:01

نۇر-سۇلتان. قازاقپارات - بۇقارالىق اقپارات قۇرالدارى قىزمەتكەرلەرى كۇنىنە وراي ق ر پارلامەنتى سەناتى ۇيىمداستىرعان «امانات» بايقاۋىنىڭ جەڭىمپازدارى ماراپاتتالدى، دەپ حابارلايدى قازاقپارات.

«جالپى، كەز كەلگەن قوعام ءۇشىن اقپاراتتىڭ الار ورنى ەرەكشە. اسىرەسە، قازىرگىدەي پاندەميا كەزەڭىندە تىلشىلەردىڭ ءرولى ارتا تۇسكەنىن ءبارىمىز كورىپ وتىرمىز. قانداي جاعداي بولسا دا وتاندىق جۋرناليستەر كاسىبي بىلىكتىلىكتىڭ بيىگىنەن كورىنىپ، بەلسەندىلىك تانىتىپ كەلەدى. وسى رەتتە مەملەكەت باسشىسىنىڭ تاپسىرماسىمەن 28-ماۋسىم بۇقارالىق اقپارات قۇرالدارىنىڭ قىزمەتكەرلەرى كۇنى بولىپ جاريالانۋىن ەرەكشە اتاپ وتكەن ءجون. پرەزيدەنتىمىز بۇگىنگى قۇتتىقتاۋىندا دا قازاق راديوسىنىڭ 100 جىلدىعىنا وراي 1-قازاندى راديو قىزمەتكەرلەرى كۇنى دەپ رەسمي تۇردە بەكىتۋدى ۇسىندى. وسىنداي باستامالاردى جۋرناليستەردىڭ قىزىعى مەن قيىنشىلىعى قاتار جۇرەتىن قىزمەتتەرىنە بەرىلگەن جوعارى باعا دەپ قابىلدايمىز»، - دەپ جازدى سەنات ءتوراعاسى ماۋلەن اشىمبايەۆ Facebook-تە.








ءمالىم ەتىلگەندەي، بيىل «امانات» بايقاۋىنا جوعارى كاسىبي دەڭگەيدەگى 100-گە جۋىق جۇمىس كەلىپ ءتۇستى. جەڭىمپازداردى انىقتاۋدا وڭىردەگى جۋرناليستەر دە نازاردان تىس قالماعان. ناتيجەسىندە ۇزدىك تەلەۆيزيالىق ماتەريال اتالىمىندا ينديرا جىلقايداروۆا («حابار» اگەنتتىگى) مەن سۆەتلانا پەنكوۆا («ەۆرازيا» ءبىرىنشى ارناسى») جەڭىمپاز اتاندى. سول سياقتى ۇزدىك راديوماتەريال اتالىمىندا - دۋلات ابيبۋللايەۆ («Qazaq radiosy»)، ب ا ق باسىلىمدارىنداعى ۇزدىك جاريالانىم اتالىمىندا - «اتىراۋ» گازەتىنىڭ ۇجىمى مەن وكسانا سكيبان («ليتەر» گازەتى)، ينتەرنەت- باسىلىمداعى ۇزدىك جاريالانىمدا - Marlan Zhiyembay («قازاقپارات» ح ا ا) مەن ەۆگەني فەدوتوۆ (Kazpravda.kz)، الەۋمەتتىك جەلىلەردەگى ۇزدىك جاريالانىم بويىنشا - نارتاي ارالباي ۇلى جانە تاۋەلسىزدىكتىڭ 30 جىلدىعى تۋرالى ۇزدىك ماتەريال اتالىمىندا جولدىباي بازار («ەگەمەن قازاقستان» گازەتى) پەن «حابار 24» تەلەارناسىنىڭ ۇجىمى توپ جاردى.




















سونداي-اق، پارلامەنتتىك جۋرناليستيكانىڭ دامۋىنا قوسقان ۇلەسى ءۇشىن تاعايىندالعان ارنايى سىيلىق ەلدار نۋرۋللينگە («ەكسپرەسس- ك» جاڭالىقتار پورتالى) بۇيىردى.

«بيىل بايقاۋدىڭ ءبىر ەرەكشەلىگى رەتىندە بەلگىلى قازاقستاندىق جۋرناليستەر نۇرتىلەۋ يمانعالي ۇلى مەن ميحايل دوروفەيەۆ اتىنداعى ەكى ارنايى جۇلدەنىڭ تاعايىندالعانىن اتاپ وتۋگە بولادى. ەكى ازاماتىمىز دا وتاندىق جۋرناليستيكانىڭ دامۋىنا ۇلكەن ۇلەس قوسقان قالامگەرلەر ەدى. ولاردىڭ كاسىبي شەبەرلىگى مەن مول تاجىريبەسى جاس جۋرناليستەر ءۇشىن قاشاندا ۇلگى- ونەگە بولىپ قالا بەرەتىنى انىق. وعان ءبىزدىڭ بايقاۋ دا وزىندىك ىقپالىن تيگىزەدى دەپ ۇمىتتەنەمىز»، - دەدى م. اشىمبايەۆ.

سونىمەن، قازاق جۋرناليستيكاسىنىڭ دامۋىنا قوسقان ۇلەسى ءۇشىن نۇرتىلەۋ يمانعالي ۇلى اتىنداعى سىيلىققا - بەلگىلى تەلەجۋرناليست جاينا سلامبەك («Qazaqstan» ۇلتتىق تەلەارناسى)، ال، ۇزدىك اناليتيكالىق ماتەريال ءۇشىن ميحايل دوروفەيەۆ اتىنداعى سىيلىققا يۋري ماسانوۆ (Kursiv.kz) لايىق دەپ تانىلدى.


Басты сөздер: بيلئك جانة ساياسات,
Жоғары қарай