Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

سىبايلاس جەمقورلىققا قارسى قىزمەت ەلوردا اكىمدىگىن تەكسەرىپ جاتىر

2021 жылдың 25 маусым 2021 11:02

نۇر- سۇلتان. قازاقپارات - سىبايلاس جەمقورلىققا قارسى قىزمەت ەلوردا اكىمدىگىندە سىبايلاس جەمقورلىق تاۋەكەلدەرىنە سىرتقى تالداۋدى باستادى، دەپ حابارلايدى قازاقپارات اگەنتتىكتىڭ تەلەگرام كانالىنا سىلتەمە جاساپ.

ق ر سىبايلاس جەمقورلىققا قارسى ءىس- قيمىل اگەنتتىگىنىڭ باستاماسىمەن نۇر- سۇلتان قالاسى اكىمدىگىنىڭ، ونىڭ اۋداندىق بولىمشەلەرى مەن ۆەدومستۆولىق باعىنىستى ۇيىمدارىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ باستالدى.

تالداۋ جۇرگىزۋ بارىسىندا ەلوردا اكىمدىگىنىڭ قۇقىقتىق بازاسى مەن ۇيىمداستىرۋ- باسقارۋ قىزمەتىن ەگجەي- تەگجەيلى زەردەلەۋ جوسپارلانۋدا. اگەنتتىك ءتوراعاسىنىڭ ءبىرىنشى ورىنباسارى و. بەكتەنوۆتىڭ ايتۋىنشا، بۇگىندە جەرگىلىكتى اتقارۋشى ورگانداردىڭ جەمقورلىق وسالدىعى جوعارى.

«اعىمداعى جىلدىڭ 5 ايىندا عانا سىبايلاس جەمقورلىققا قارسى قىزمەت اكىمدىكتەردىڭ قىزمەتكەرلەرىمەن جاسالعان 92 سىبايلاس جەمقورلىق قۇقىق بۇزۋشىلىقتى تىركەدى، 76 ادام قىلمىستىق جاۋاپكەرشىلىككە تارتىلدى. اشكەرەلەنگەندەردىڭ اراسىندا ءتۇرلى دەڭگەيدەگى 7 اكىم مەن ولاردىڭ ورىنباسارلارى، سونداي - اق، وبلىستىق باسقارمالاردىڭ 14 باسشىسى بار»، - دەدى.

ءوز كەزەگىندە، قالا اكىمىنىڭ ورىنباسارى ا. ءامرين اگەنتتىكتىڭ پيلوتتىق نىسانداعى كەشەندى تالداۋ جۇرگىزۋ تۋرالى باستاماسىن ەلوردا اكىمدىگىنىڭ باسشىلىعى قولداعانىن اتاپ ءوتتى. اتالعان تالداۋ مەملەكەت باسشىسىنىڭ سىبايلاس جەمقورلىق فاكتورلارىن انىقتاۋ ماقساتىندا نورماتيۆتىك اكتىلەر مەن جۇمىس پروتسەستەرىنە تالداۋ جۇرگىزۋ قاجەتتىلىگىنە قاتىستى تاپسىرماسىن ورىنداۋ اياسىندا جۇرگىزىلىپ جاتقانىنا باسا نازار اۋداردى.





قالىپتاسقان تاجىريبە بويىنشا سىبايلاس جەمقورلىققا قارسى قىزمەت بارلىق مۇددەلى ۇيىمداردى، ازاماتتىق قوعام ينستيتۋتتارىنىڭ وكىلدەرى مەن بەلسەندى ازاماتتاردى تالداۋعا قاتىسۋعا شاقىرادى. جەرگىلىكتى اتقارۋشى ورگاننىڭ، ونىڭ اۋداندىق بولىمشەلەرىنىڭ نەمەسە ۆەدومستۆولىق باعىنىستى ۇيىمدارىنىڭ قىزمەتىندەگى ىقتيمال سىبايلاس جەمقورلىق كورىنىستەرى تۋرالى اقپارات بولعان جاعدايدا ەسكەرتۋلەر مەن ۇسىنىستاردى كەلەسى ەلەكتروندىق مەكەنجايعا جىبەرۋگە شاقىرامىز: risk.akimat@antikor.gov.kz.


Басты сөздер: بيلئك جانة ساياسات,
Жоғары қарай