Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

جانداربەك بەكشين كارانتينگە قاتىستى جاڭا قاۋلىعا قول قويدى

2021 жылдың 18 маусым 2021 21:16

الماتى. قازاقپارات - الماتى قالاسىنىڭ باس مەملەكەتتىك سانيتار دارىگەرى جانداربەك بەكشين «جاسىل» ايماققا قاتىستى جاڭا قاۋلىعا قول قويدى، دەپ حابارلايدى قازاقپارات ءتىلشىسى.

جاڭا قۇجاتتا بيزنەس نىساندارى ەكى بلوكقا بولىنگەن: Ashyq قوسىمشاسىنا قاتىساتىن جانە قاتىسپايتىن نىساندار.

سۋپەرماركەت، ازىق-تۇلىك ساتپايتىن دۇكەندەر، ازىق-تۇلىك ساتاتىن جانە ساتپايتىن بازارلار، جابىق بازارلار بۇل جۇيەگە قاتىسپايدى. الايدا اۋرۋدىڭ تارالۋ دەڭگەيىن ەسكەرە وتىرىپ، ولارعا شەكتەۋسىز جۇمىس ىستەۋگە رۇقسات بەرىلەدى. قۇجاتقا سايكەس، تۇرعىنداردىڭ قوعامدىق ورىندارعا (ونىڭ ىشىندە قالالىق قوعامدىق كولىكتە جۇرگەندە) جانە قىزمەتىنە رۇقسات ەتىلگەن وبەكتىلەرگە بارعاندا، سونداي-اق اشىق اسپان استىندا كوپشىلىك ورىنداردا بولعان كەزدە (5 جاسقا دەيىنگى بالالاردى جانە اشىق اسپان استىندا سپورتپەن اينالىسقاندى قوسپاعاندا) ماسكا تاعۋعا، الەۋمەتتىك ارا قاشىقتىقتى ساقتاۋعا جانە انتيسەپتيكتەردى قولداۋعا قاتىستى قويىلاتىن تالاپتارىن ورىنداۋىن جانە ولارعا قىزمەتىنە رۇقسات ەتىلمەگەن نىساندارعا بارۋعا تىيىم سالىنادى؛

ەرەكشە قورعالاتىن تابيعي اۋماقتارعا 15 ادامنان اسپايتىن توپتارعا بارۋعا رۇقسات؛

قوعامدىق تاماقتانۋ ورىندارى بويىنشا - ەگەر مەكەمە Ashyq جوباسىنا قاتىسقان بولسا، 07.00 دەن تۇنگى 02.00 گە دەيىن جۇمىس ىستەي الادى، تولىمدىعى - 50 پايىز، ءبىراق 70 ورىننان اسپاۋى كەرەك.

ەگەر Ashyq جوباسىنا قاتىسپاعان بولسا، بارلىق شارت وسىنداي، ءبىراق 50 ورىننان اسپاۋى كەرەك.

كينوتەاتر، تەاترلار مەن كونسەرت زالدارى Ashyq جوباسىنا قاتىسقان بولسا 50 پايىز تولىمدىقپەن جۇمىس ىستەيدى.

ەگەر Ashyq جوباسىندا جوق بولسا 30 پايىز تولىمدىقپەن عانا جۇمىس ىستەۋگە رۇقسات بەرىلەدى.

قاۋلى 19- ماۋسىم كۇنى كۇشىنە ەنەدى، ياعني «جاسىل» ايماققا كىرگەننەن كەيىن 7 كۇننەن سوڭ.

Басты сөздер: بيلئك جانة ساياسات,
Жоғары қарай