Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قوسشىعا قالا مارتەبەسى قاشان بەرىلەدى

2021 жылдың 18 маусым 2021 18:02

نۇر- سۇلتان. قازاقپارات - اقمولا وبلىسىنىڭ اكىمى ەرمەك مارجىقپايەۆ قوسشىعا قالا مارتەبەسىن بەرۋ جۇمىستارى جايىندا باياندادى، دەپ حابارلايدى قازاقپارات ءتىلشىسى.

«قوسشى اۋىلى قارقىندى دامىپ كەلەدى. ەلدى مەكەن اۋماعى كەڭەيتىپ جاتىر، وسى ورايدا ءتيىستى ينفراقۇرىلىم قاجەت بولىپ تۇر. قازىرگى كەزدە اۋىلعا وبلىستىق ماڭىزداعى قالا مارتەبەسىن بەرۋدى قاراستىراتىن الگوريتم ازىرلەندى»، - دەدى اكىم ورتالىق كوممۋنيكاتسيالار قىزمەتىندە.

سونىمەن قاتار تىلشىلەر قوسشىعا قالا مارتەبەسىن بەرۋ ماسەلەسىن قاراستىرۋ قاي دەڭگەيدە ەكەنى تۋرالى سۇراق قويىلدى.

«بۇل ماسەلە بويىنشا جول كارتاسى جاسالدى جانە ول 28 پۋنكتىدەن تۇرادى، سونىڭ 21- ءىن ورىندادىق. وسى ورايدا ۇكىمەتپەن بىرلەسە ءتيىستى جۇمىستار اتقارىلىپ جاتىر»، - دەدى ەرمەك مارجىقپايەۆ.

ونىڭ ايتۋىنشا، قوسشىدا قازىرگى كەزدە 60 مىڭنان استام ادام تۇرىپ جاتىر.

«ونى بارلىعى راستاپ وتىر. ەلەكتر ەنەرگياسى ابونەنتتەرى بويىنشا جانە باسقا دا كورسەتكىشتەر اياسىندا تۇرعىندار سانى شامامەن كورىنىپ تۇر. الايدا قالا مارتەبەسىن بەرۋ ءۇشىن ساناق جۇرگەن كەزدە توقتاپ قالدىق. قالا مارتەبەسىن الۋ ءۇشىن 50 مىڭ تىركەلگەن تۇرعىن بولۋى كەرەك. ەكى ايدان استام ۋاقىت بويى وسى ماسەلەمەن اينالىستىق، ادامدار تىركەۋگە تۇرعىلارى كەلمەيدى. ولار نۇر- سۇلتان قالاسىندا تىركەۋدە تۇرىپ، ءبىراق قوسشىدا تۇرعىلارى كەلەدى»، - دەدى اكىم.

بۇل تۇرعىدا ول ءتيىستى جۇمىستار جالعاسىپ، قوسشى بويىنشا قۇجات مەملەكەتتىك ورتالىق ورگانداردىڭ كەلىسۋىندە جاتقانىن ايتتى.

اۆتور: رۋسلان عابباسوۆ

Басты сөздер: بيلئك جانة ساياسات,
Жоғары қарай