Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

نۇر- سۇلتان كوشەلەرىندە سمايليك باعدارشامدار پايدا بولدى

2021 жылдың 7 мамыр 2021 14:11

نۇر- سۇلتان. قازاقپارات - شۇبار تۇرعىن الابىنداعى كوسموناۆتار كوشەسى بويىندا اۆتوكولىك جىلدامدىعىن شەكتەۋ ءۇشىن كوتەرىڭكى جاياۋ جۇرگىنشىلەر وتكەلى (پاندۋس) ورناتىلدى.

بۇل جۇمىس جول قوزعالىسى قاۋىپسىزدىگىن قامتاماسىز ەتۋ جانە اپات قاۋپىن ازايتۋ ماقساتىندا جۇرگىزىلدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

جول قوزعالىسى قاۋىپسىزدىگىن قامتاماسىز ەتۋ جانە اپات قاۋپىن تومەندەتۋ ماقساتىندا كولىك جانە جول- كولىك ينفراقۇرىلىمىن دامىتۋ باسقارماسى نۇر- سۇلتان قالاسىنىڭ پوليتسيا دەپارتامەنتىمەن بىرلەسىپ، قالانىڭ كوشە- جول جەلىسىندە ەڭ جوعارى جىلدامدىقتى شەكتەۋ ءۇشىن پيلوتتىق جوبانى ىسكە قوستى. جوبا اياسىندا شۇبار تۇرعىن الابىندا كوسموناۆتار كوشەسىندەگى «قوڭىرات» ساۋدا ورتالىعى ماڭىندا كوتەرىڭكى جاياۋ جۇرگىنشىلەر وتكەلىن (پاندۋس) ورناتتى. بۇل جۇمىس كولىك جىلدامدىعىن شەكتەۋ ءۇشىن جۇرگىزىلدى.

«بۇل شارالار قۇقىق بۇزۋشىلىقتىڭ جانە جول- كولىك وقيعالارىنىڭ الدىن الادى. سونداي- اق جاياۋ جۇرگىنشىلەردىڭ ءجۇرۋىن، رۇقسات ەتىلگەن ەڭ جوعارى جىلدامدىقتى ارتتىرۋعا بايلانىستى وقىس وقيعالاردىڭ الدىن الۋدى قامتاماسىز ەتەدى. مۇنداي وتكەل جۇرتتىڭ كوشەدەن ەمىن- ەركىن وتۋىنە مۇمكىندىك جاسايدى. جۇرگىزۋشىلەردى مۇقيات بولۋعا جانە قوزعالىس باعىتىن الدىن الا جوسپارلاۋعا شاقىرامىز»، - دەلىنگەن ۆەدومستۆو حابارلاماسىندا.

سونىمەن قاتار، باسقارما جاياۋ جۇرگىنشىلەر جولىن رەتتەپ قانا قويماي، ولاردىڭ كوڭىل- كۇيىن كوتەرەتىن سمايليكتەرى بار باعدارشامدار ورناتتى. مامانداردىڭ ايتۋىنشا، بۇل يدەيا جاستار اراسىندا ەمودزيلەردىڭ تانىمالدىلىعىن ەسكەرە وتىرىپ، باعدارشام بەلگىسىن قابىلداۋىن جاقسارتادى.

«بۇل جاڭاشىلدىق ساياباقتارعا جانە جەلەكجول نىساندارى جانىنداعى جاياۋ جۇرگىنشىلەر وتكەلدەرىندە قولدانىلدى. الداعى ۋاقىتتا باعدارشام كەشەنىن دىبىستىق قۇرىلعىلارمەن تولىقتىرۋ جوسپارلانىپ وتىر»، - دەپ حابارلادى باسقارمادا.

سمايليك باعدارشامدار تىزبەسى:

1. رەسپۋبليكا داڭعىلى - «ەسىل» س ءۇ

2. رەسپۋبليكا داڭعىلى - «تاليسمان» س ءۇ

3. مومىش ۇلى كوشەسى - «ۆيكتوريا» ت ك

4. تۇركىستان كوشەسى - «نۇرجول» جەلەكجولى

5. اقمەشىت كوشەسى - «نۇرجول» جەلەكجولى

6. جۇمابايەۆ كوشەسى - «جەرۇيىق» ساياباعى

7. قابانباي باتىر داڭعىلى - «سالتانات سارايى»

8. نۇر جول كوشەسى - «نۇرجول» جەلەكجولى.











Басты сөздер: قوعام,
Жоғары қарай