Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قىزدارعا پايدالى سپورت تۇرلەرى

2021 жылдың 18 маусым 2021 15:01

نۇر-سۇلتان. قازاقپارات - قىزدار ارىقتاۋ ماقساتىندا نە بۇلشىق ەتتەرىن قاتايتۋ، ءبىر قالپىن ساقتاۋ نيەتىندە دەنە جاتتىعۋلارىن جاسايدى.

شىنىعۋدى جاڭادان باستاعان قىزدار الدىمەن ءبىرقاتار اقپاراتپەن تانىسىپ الماسا، اينالىسقان سپورتىنىڭ دەنساۋلىعىنا تيگىزەر پايداسىنان زيانى كوپ بولۋى مۇمكىن.

مىسالى تاەكۆوندو، كاراتە سەكىلدى سپورت تۇرلەرى قىز بالانىڭ دەنەسىن تىم قاتايتىپ، ۇلعا ۇقساتىپ جىبەرۋى مۇمكىن.

قىز بالالار مىنا سپورت تۇرلەرىمەن شۇعىلدانعانى ءجون.

ءجۇزۋ. كولدە نە باسسەيندە ءجۇزۋدىڭ سىرتقى مۇسىنگە دە، دەنساۋلىققا دا كەلتىرەر پايداسى وراسان زور.

دەنەنىڭ بارلىق بۇلشىق ەتىن قوزعالىسقا ءتۇسىرىپ، تىنىس الۋدى جاقسارتادى. قان اينالىمدى، ۇيقىنى رەتكە كەلتىرىپ، كوڭىل كۇي ۇنەمى كوتەرىڭكى جۇرۋىنە سەپ بولادى. پيلاتەس تە بارلىق بۇلشىق ەتتىڭ قوزعالىسقا ءتۇسۋىن قامتاماسىز ەتەتىن ارنايى كەشەن.

مۇندا ادامنىڭ جانى مەن ءتانى ۇيلەسىم تابادى. جاتتىعۋ بارىسىندا دۇرىس تىنىس الىپ، ويدى ءبىر ارناعا شوعىرلاندىرۋدىڭ ماڭىزى زور. قولدىڭ، اياقتىڭ، ارقانىڭ بۇلشىق ەتتەرى قاتايىپ، سالماق تاستاعىڭىز كەلسە، پيلاتەسپەن تۇراقتى تۇردە اينالىسىڭىز. بۇل سپورت تۇرىمەن ارنايى قۇرالدارسىز-اق ۇيدە دە اينالىسۋعا بولادى.

ءبىر اپتا ىشىندە 40 مينۋتتان 2-3 رەت اينالىسساڭىز جەتىپ جاتىر.

اەروبيكا. بۇل سپورت ءتۇرى دەنەدەگى بۇلشىق ەتتەردى جىلدام قاتايتۋعا كومەكتەسەدى. باستاپقىدا دەنەگە اۋىرلىق ءتۇسۋى مۇمكىن. سوندىقتان جاتتىعۋلاردى تولىق دۇرىس ورىنداپ جاتقانىڭىزعا كوز جەتكىزۋ ءۇشىن ماماندار كومەگىنە جۇگىنىڭىز.

ايتپەسە ءبىر بۇلشىق ەتتى شىنىقتىرامىن دەپ، اعزانىڭ باسقا مۇشەسىنە زيان تيگىزىپ الاسىز.

ءبي. سپورتتىڭ ەڭ كوڭىلدى دە پايدالى ءتۇرى. اسىرەسە قىز بالالار ءۇشىن بيدەن ارتىق جاتتىعۋ جوق. بيلەۋدىڭ قاي جانرى بولسا دا، دەنساۋلىققا پايدالى، اسىرەسە جىلدام قوزعالاتىن سالسا، سامبا، تانگو، با-چا-چا بيلەرى تەز اسەرىن بەرەدى.

ۆەلوسپورت. بۇل دا قىز بالالارعا ەڭ ىڭعايلى، قولجەتىمدى سپورت ءتۇرى. ۆەلوسيپەد تەپكەندە اياقتىڭ عانا ەمەس، دەنەنىڭ بارلىق بۇلشىق ەتى شىنىعادى. ءبىر جۇمادا 1 ساعاتتان 3 رەت ۆەلوسيپەد ايداساڭىز، ماقساتىڭىزعا جەتەسىز.

ال ودان دا جىلدام جەتىستىككە جەتكىڭىز كەلسە، ۇزاق قاشىقتىققا ايداپ ۇيرەنىڭىز. مۇندا دا ءبىرقالىپتى تىنىس الۋ ماڭىزدى.

Massaget.kz


Басты сөздер: قوعام, مادةنيةت,
Жоғары қарай