Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

وميكرون شتامى جانۋارلار اراسىندا مۋتاتسيالانىپ، ادامدارعا جۇعۋى مۇمكىن – ساراپشى

2021 жылдың 7 желтоқсан 2021 09:33

ماسكەۋ. تاسس- قازاقپارات - كوروناۆيرۋستىڭ جاڭا «وميكرون» شتامى جانۋارلار اراسىندا مۋتاتسياعا ۇشىراپ، ودان كەيىن بارىپ ادامدارعا جۇققان بولۋى مۇمكىن.

بۇعان جاڭا شتامنىڭ ەرەكشەلىكتەرى كۋا. مۇنداي پىكىردى دنكوم مولەكۋلالىق- گەنەتيكالىق زەرتتەۋلەر عىلىمي ورتالىعىنىڭ نەگىزىن قالاۋشىسى مەن باس ديرەكتورى اندرەي يسايەۆ ءبىلدىردى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«وميكرون» شتامىن ءبىرىنشى بولىپ تاراتقان ناۋقاستىڭ يممۋن تاپشىلىعى بار ەكەنىن، سوزىلمالى ا ي ت ۆ ينفەكتسياسىمەن اۋىراتىنىن بىلەمىز. سونىمەن قاتار ناۋقاس كوۆيدتىڭ سوزىلمالى تۇرىمەن اۋىرعان. COVID-19 ونىڭ اعزاسىندا مۋتاتسيالانعان بولۋى مۇمكىن. الايدا مەنىڭ تەوريام كىشكەنە باسقاشا. ءبىز ءىرى مىسىقتار، بۇعى مەن قاراكۇزەننىڭ ءارتۇرلى تۇرلەرى سياقتى سۇتقورەكتىلەردىڭ كوروناۆيرۋسپەن اۋىراتىنىن بىلەمىز. وڭتۇستىك افريكادا ادامدار جانۋارلارمەن تىعىز بايلانىستا. COVID-19 ءىرى سۇتقورەكتىلەرگە ءوتىپ، ولاردىڭ اعزاسىندا ەۆوليۋتسياعا ۇشىرايدى دەپ ويلايمىن. سەبەبى ۆيرۋستىڭ ءتۇرارالىق اۋىسۋى كەزىندە اقۋىزدار كومبيناتوريكاسىندا وزگەشە ايىرماشىلىقتار بولىپ، گەنەتيكالىق تۇرلىلىك قالىپتاسادى»، - دەدى يسايەۆ.

ونىڭ ويىنشا، اتالعان شتامم تابىلعان ناۋقاس قاتە انىقتالعان بولۋى مۇمكىن.

«عالىمدار «نولدىك ناۋقاس» رەتىندە يممۋن تاپشىلىعى بار ادامدى تىركەگەن، ونىڭ بۇرىس انىقتالعان بولۋى مۇمكىن. ناۋقاس جەرگىلىكتى اڭشى، وڭتۇستىك افريكالىق رەيندجەر، ساۆانناعا كەتەتىن، قورىقتا جۇمىس ىستەيتىن ادامنان جۇقتىرعان بولۋى ىقتيمال»، - دەپ ءتۇسىندىردى ول.

Басты сөздер: قوعام,
Жоғары қарай