Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Түркістан облысының 40-тан астам полицейі марапатталды

2021 жылдың 30 қараша 2021 14:35

ТҮРКІСТАН. ҚазАқпарат - Тұңғыш Президент күні мерекесіне орай Түркістан облысының 40-тан астам полицейі марапатталды. Салтанатты жиында сондай-ақ, Елбасының өмірі мен қызметі туралы баяндайтын «Елбасы жолы» деректі фильмі көрсетілді, деп хабарлайды ҚазАқпарат тілшісі.

Облыстық Полиция департаментінің мәжіліс залында өткен шарада полиция генерал-майоры Қайрат Дәлбеков құттықтау сөз сөйлеп, Тұңғыш Президенттің еліміздің өсіп-өркендеуі жолында аянбай тер төккен қызметі қашанда халық жадында екенін жеткізді.

«Елбасымыз өз сөзінде: «Құқық қорғау органдарының жұмысына өзгерістер енгізу қажет. Өмір сапасы қауіпсіздікпен тікелей байланысты. Қылмыспен күрескенде ішкі істер органдарының қызметкерлері алдыңғы шепте жүреді және өмірлерін қатерге тігеді...« деп тәртіп сақшыларының жұмысын бағалады. Сондықтан Тұңғыш Президентіміздің тапсырмасымен күннен күнге қылмысты азайту мен болдырмау жолында қызмет етіп келеміз. Алдағы уақытта бұдан да жоғары көрсеткіштерді көрсету үшін әрбіріңізге артылған сенімге селкеу түспеуі керек. Киелі өңірдің тәртіп сақшысы екенімізді үнемі сезініп, соған лайық, адал әрі жауапты болайық! Әрқашан бейбіт күнде бірлікте өмір сүре берейік!», - деді Қайрат Дәлбеков.

















Жоғары қарай