Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

بيىل قازاقستانعا 20 ميلليارد ا ق ش دوللارى كولەمىندە ينۆەستيتسيا تارتىلماق

2021 жылдың 29 қараша 2021 16:29

نۇر- سۇلتان. قازاقپارات - بيىل قازاقستانعا 20 ميلليارد ا ق ش دوللارى كولەمىندە ينۆەستيتسيا تارتىلماق. بۇل تۋرالى ق ر ۇلتتىق ەكونوميكا ۆيتسە- ءمينيسترى الىشەر ءابدىقادىروۆ ايتتى، دەپ حابارلايدى قازاقپارات ءتىلشىسى.

«سونىمەن قاتار الەمدە ينۆەستيتسيالار تارتۋ سالاسىندا بىرنەشە نەگىزگى ترەند بايقالدى. جاڭا ونەركاسىپتىك ريەۆوليۋتسيا جانە قۇندىلىقتار تىزبەگىنىڭ كۇردەلەنۋى جاعدايىندا IT جانە قىزمەتتەر سالاسىنداعى جوبالار كوبىرەك ينۆەستيتسيالار تارتادى. ينۆەستور ءۇشىن ءىرى نارىقتاردىڭ جاقىندىعى، بىلىكتى كادرلاردىڭ بولۋى، ينفراقۇرىلىم مۇمكىندىكتەرى جانە لوگيستيكانىڭ ىڭعايلىلىعى سياقتى فاكتورلار ءبىرىنشى ورىنعا شىعادى. اكىمشىلىك راسىمدەر ءۇشىن، مىسالى، «ءبىر تەرەزە» ونلاين- تەتىكتەرى ارقىلى سيفرلىق قىزمەتتەردىڭ بولۋى الەۋەتتى ينۆەستورلار ءۇشىن بەلگى سيگنال بولىپ سانالادى»، - دەدى ءا. ءابدىقادىروۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، قازاقستاندا وتكەن جىلى تىكەلەي شەتەلدىك ينۆەستيتسيالار كورسەتكىشى رەكوردتىق %30- عا تومەندەپ، 17 ميلليارد ا ق ش دوللارىن قۇرادى.

«ال بيىل وڭ ديناميكا بايقالدى. ماسەلەن، وسى جىلدىڭ 6 ايىنىڭ قورىتىندىسى بويىنشا ەل ەكونوميكاسىنا 11,1 ميلليارد ا ق ش دوللارى سوماسىندا تىكەلەي شەتەلدىك ينۆەستيتسيالار تارتىلدى، بۇل وتكەن جىلدىڭ ۇقساس كەزەڭىنەن % 30,4- عا ارتىق (2020 -جىلدىڭ 6 ايى - 8,5 ميلليارد ا ق ش دوللارى). بيىلدىڭ قورىتىندىسى بويىنشا 20 ميلليارد ا ق ش دوللارى كولەمىندە ينۆەستيتسيا تارتۋ جوسپارلانعان. ال 2023 -جىلعا قاراي ينۆەستيتسيالار پاندەمياعا دەيىنگى دەڭگەيىنە (24,4 ميلليارد ا ق ش دوللارى) جەتەدى دەپ كۇتىلۋدە»، - دەدى ۆيتسە- مينيستر.

بۇدان بۇرىن حابارلانعانداي، الىشەر ءابدىقادىروۆ پاندەميانىڭ شەكتەۋ ءىس- شارالارى جاعدايىندا جاھاندىق تىكەلەي شەتەل ينۆەستيتسيالارى اعىندارى % 35- عا تومەندەگەنىن ايتتى.

اۆتور: رۋسلان عابباسوۆ

Басты сөздер: بيلئك جانة ساياسات,
Жоғары қарай