Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Оралда қала орталығындағы 14 көпқабатты үй сусыз қалды

2021 жылдың 26 қараша 2021 02:24

ОРАЛ. ҚазАқпарат – Оралда қала орталығындағы 14 көпқабатты үй және 50 жеке үй, барлығы 800 абонент сусыз қалды, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткеніндей, диаметрі 300 мм суық су құбыры жарылып, істен шыққан.

24 қараша күнгі сағат 22.30-дағы жағдай бойынша Сарайшық пен А.Тайманов көшелерінің қиылысында жөндеу-қалпына келтіру жұмыстары жүргізілуде.

Апатқа байланысты үш жерде, Н.Назарбаев даңғылы, 187, Л.Толстой көшесі, 133 және А.Тайманов көшесі, 127-мекенжайларында су тасымалы ұйымдастырылды.

Қазіргі кезде жөндеу жұмыстарына «Батыс су арнасы» ЖШС-ның 10 қызметкері мен 3 техника тартылған.

Еске сала кетейік, 16 қарашада Оралда құбырдағы апат салдарынан 11 мыңнан астам абонент сусыз қалғанын жазған болатынбыз.



Жоғары қарай