Көктайғақ: Семейде екінші ауысымдағы 0-9 сыныптар мектепке бармайды
СЕМЕЙ. ҚазАқпарат – Семей қаласында екінші ауысымдағы 0-9 сынып оқушылары қашықтан оқитын болды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, Семейде 24 қарашада ауа райының нашарлауына, нақты айтқанда көктайғаққа байланысты екінші ауысымдағы 0-9 сынып оқушылары онлайн форматта оқитын болды.
«Таңертең қаладағы 9 сыныпқа дейінгі оқушылар сабақты қашықтан оқыған. Сондай-ақ көктайғақ салдарынан Курчатов қаласындағы 0-11 сынып оқушылары да мектепке бармады», - деп хабарлады ведомство өкілдері.
Естеріңізге сала кетсек, кеше Өскеменде екінші ауысымдағы 0-9 сыныптар қашықтан оқыған болатын.
