Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

«Сары» аймақтағы Алматыға Ashyq жобасы әлі де маңызды

2021 жылдың 4 қараша 2021 16:59

АЛМАТЫ. ҚазАқпарат - Алматыда «сары» аймақ үшін қарастырылған шектеулер күшіне енді.Бұл туралы Өңірлік коммуникациялар қызметінің баспасөз мәслихатында Алматы қаласы Кәсіпкерлер Палатасы директорының орынбасары Салтанат Лесбаева хабарлады.

Эпидемиологиялық ахуалды жақсартудың арқасында Алматы кәсіпкерлері аз шектеулермен жұмыс істей алады. Салтанат Лесбаеваның айтуынша қазір келесідей шектеулер бар:

- мейрамхана, кафе және кофеханалар типі бойынша қоғамдық тамақтану нысандары, толымдылығы 50%-ға дейін, 60 орыннан аспайтын; толымдылығы 20%-ға дейін, бірақ 30 орыннан аспайтын фудкорттар; толымдылығы 30%-дан аспайтын және бір адамға кемінде 4 шаршы метр, бірақ 50 адамнан аспайтын алаңмен қамтамасыз етілген кезде ас беруді өткізуге арналған банкет залдары – «қызыл» аймақпен салыстырғанда толымдылығы 10 адамға дейін;

- салтанатты, естелік, отбасылық іс-шараларды (банкеттер, үйлену тойлары, мерейтойлар) және түнгі клубтарды өткізу-толтырылуы 50%-ға дейін, 70-тен аспайтын орын – «қызыл» аймақпен салыстырғанда толтырылуы 20 адамға дейін артты;

- театрлар, кинотеатрлар, концерт залдары, филармония - толтырылуы 30%-дан 40%-ға дейін ұлғайтылды;

- облысаралық тұрақты емес (туристік) тасымалдар, қалалық тұрақты емес (туристік) тасымалдар – жолаушылар саны 15-тен 25 адамға дейін ұлғайтылды;

- бильярд, компьютерлік клубтар, оның ішінде PlayStation клубтары (тек 12 және одан жоғары жастағы адамдар ғана рұқсат етіледі), боулинг, караоке, лотерея клубтары және лотереяны өткізудің өзге де нүктелері, ауданы 1000 шаршы метрге дейінгі балалар ойын-сауық орталықтары (жабық), букмекерлік кеңселер – пайыздық қатынаста толтырылуы 50%-ға дейін, ал адамдар саны – 50%-ға дейін ұлғайтылды;

- ауданы 1000 шаршы метрден асатын балалар ойын-сауық орталықтары (жабық) енді 100 адамды қабылдай алады;

- конференциялар, форумдар, ойын-сауық және адамдар көп жиналатын өзге де іс-шаралар, толымдылығы 50%-ға дейін, бірақ 70 орыннан артық емес, яғни, «қызыл» аймаққа қарағанда 20 орынға артық;

- көрмелер – толтырылу деңгейі 200-ден 300 адамға дейін өсті;

- марафондар (ашық ауада) – келушілер саны 500-ден 800 адамға дейін артты;

- көрермендермен спорттық іс-шаралар – «қызыл» аймаққа қарағанда 70%-дан артық емес, 20%-ға артық толтырылған кезде;

- діни объектілер (ұжымдық құлшылық етуді жабық үй-жайларда өткізу) – толтырылу көрсеткіші 10%-ға, яғни 30%-ға дейін артты.

Баспасөз мәслихаты барысында С. Лесбаева мегаполистің бизнес қауымдастығы қызметтерін қаулыға сәйкес ұйымдастыруға шақырды. Сонымен қатар, Ashyq жобасының жұмысына жауапкершілікпен қарау өте маңызды екенін ескертті.

Спикердің мәліметінше, Алматыда жобаның 23 214 қатысушысы бар, бірнеше айдың ішінде олардың саны 13 есеге артты. Қоғамдық тамақтану нысандары, сұлулық салондары, шаштараздар, базарлар, СОСО, білім беру объектілері арасында Ashyq-тың кеңінен танымал екені байқалады.

Қазіргі кезде Алматыда 479 нысан жоба көшбасшысы болып табылады. Барлық кезеңде 3044 қатысушы екі аптаның нәтижелері бойынша нөлдік чекиндер үшін жобадан шығарылды.

Сөзінің соңында С. Лесбаева Алматы тұрғындарын да, кәсіпкерлерді де Ashyq жобасына жауапкершілікпен қарауға шақырды, себебі, соның арқасында кәсіпкерлерге қатаң карантиндік жағдайда жұмыс істеуге рұқсат етілді. Ол сонымен қатар бизнес-қауымдастық өкілдерін өмір салты мен жұмыстың қалыпты түріне тезірек оралу үшін жаппай егілуге шақырды. Спикер жұмыс орындарында маска режимін сақтау қажеттілігін еске салды.


Жоғары қарай