Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Анталияда жол апатынан тоғыз ресейлік турист зардап шекті

2021 жылдың 31 қазан 2021 21:39

АНТАЛИЯ. ТАСС-ҚазАқпарат – Түркияның Анталия провинциясындағы Серик кентінде жол апатынан тоғыз ресейлік турист зардап шекті, деп хабарлайды ҚазАқпарат ТАСС агенттігіне сілтеме жасап.

«31 қазанда сағат 7:30-да Серик кентінде ресейлік 12 туристі әуежайға апара жатқан автобус жол апатына ұшырады. Тоғыз Ресей азаматы зардап шекті», деп жазды Анталиядағы Ресей консульдігі Facebook -тегі парақшасында.

Зардап шеккендердің барлығы жақындағы медицина мекемесіне жеткізіліп, алғашқы көмек көрсетілген. Екі бала мен бір ересектің жағдайы орташа ауыр. Олар дәрігердің бақылауында қалады.

Түркия жол полициясының мәліметі бойынша, автобус жүргізушісі көлікті басқара алмай, жолды бөлген сызықты кесіп өтіп, қарсы бетке шығып кеткен. Автобус аударылып қалған.


Перевод Жәнібек Амангелді
Басты сөздер: Ресей, Түркия,
Жоғары қарай