Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Атыраудағы атыс: Полиция қызметкерлері күшейтілген режимде жұмыс істеп жатыр

2021 жылдың 31 қазан 2021 15:33

АТЫРАУ. ҚазАқпарат – Атырау облысында атыс болған ауылда полиция қызметкерлері күшейтілген режимде жұмыс істеуде, деп хабарлайды ҚазАқпарат.

Облыстық полиция департаментінің бастығы, полиция полковнигі Қамза Үмбетқалиевтың айтуынша, полиция қызметкерлері Қызылқоға ауданындағы Сағыз ауылында қоғамдық тәртіпті тұрақтандыру мен тұрғындардың қауіпсіздігін қамтамасыз ету үшін жұмылдырылған.

«Қазір аталған ауылдағы жағдай тұрақтанды. Тұрғындар арасында жаппай толқу байқалмайды. Соған қарамастан, тәртіп сақшылары Сағыз ауылын тәулік бойы патрульдеп, күшейтілген режимде жұмысын жалғастырып жатыр. Оқиға орнында Атырау облыстық полиция департаментінің жедел-тергеу тобы жұмыс істеуде. Аталған дерекке қатысты ҚР Қылмыстық кодексінің 99-бабының 2-бөлігімен (Адам өлтіру) тергеу жүріп жатыр», - дейді Қамза Үмбетқалиев.

Еске сала кетелік, бұған дейін Атырау облысында ауыл жастары арасында атыс болғанын, кейіннен атыста жарақат алған бір адам қайтыс болғанын хабарлаған едік.


Автор Бек Мұстафа
Басты сөздер: Атырау облысы, Оқиға, Заң,
Жоғары қарай