Ауа райы
Астана -18 °С
Алматы -6 °С
валюта бағамы
USD 421.58
EUR 496.83
RUB 5.53
CNY 62.20

Мәскеуде зауыт ішіндегі өткел құлап, 50-ден астам Қырғызстан азаматы жарақат алды

2020 жылдың 27 қыркүйек 2020 20:45

МӘСКЕУ. ҚазАқпарат - Мәскеу маңындағы Ступино елдімекенінде өндіріс орнында өткел құлап, 51 адам зардап шекті, деп хабарлайды ҚазАқпарат ТАСС агенттігіне сілтеме жасап.

«Қазіргі уақытта 51 адамның жарақат алғаны белгілі. Оның бәрі әртүрлі ауруханаларда ем алып жатыр. Кейбіреулері өз бетінше медициналық көмекке жүгінген» деп хабарлады агенттікке сұхбат берген төтенше жағдайлар министрлігі Мәскеу облысындағы басқармасының баспасөз қызметі.

Мұның алдында зардап шеккендер саны 39 болатын. Оның ішінде 18 адам ауыр халде жатыр. Қаза тапқандар жоқ.

Ведомствоның мәліметінше, оқиға салдарын жоюға 68 құтқарушы мен 25 техника тартылған.

Зардап шеккендердің барлығы - Қырғызстан азаматтары. Оның екеуі Ресей азаматтығын алған. Олар - осы зауыттың жұмысшылары.

Айта кетейік, «ФМ Логистик» өндіріс орнында опырылып түскен металл өткелдің ұзындығы - 35 метр, биіктігі - 4 метр. Ол инженерлік коммуникациялардың үстіне құлап, бүлдірген.


Перевод Жанат Қапалбаева
Басты сөздер: Әлем, Ресей, Оқиға,
Жоғары қарай