Ауа райы
Астана -7 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

«Барыстың» кейінге қалған екі ойыны қашан өтеді

2020 жылдың 23 қыркүйек 2020 11:53

НҰР-СҰЛТАН. ҚазАқпарат - Құрлықтық хоккей лигасы клубтармен бірігіп, чемпионат матчтары өтетін жаңа уақытты белгіледі. Бұл туралы ҚазАқпарат «Барыс» хоккей клубының ресми сайтына сілтеме жасап хабарлайды.

Лига ҚХЛ Спорт ережесінің 55-бабына сәйкес және клубтармен келісе отырып, тұрақты чемпионат матчтарын өткізудің жаңа мерзімін белгілеу жөнінде шешім қабылдады:

№74 «Барыс» - «Динамо» Рига 2020 жылдың 3 қарашасында өтеді;

№90 «Металлург» - «Барыс» арасындағы ойын 2021 жылдың 3 ақпанында өтеді.

Еске сала кетейік, бұған дейін «Барыс» хоккей клубының бірнеше ойыншысы коронавирус жұқтырып алған болатын.

Осыған байланысты хоккей клубы алдағы кездесулерін кейінге шегеруге мәжбүр болып, 6 матчтың уақытын ауыстырған.


Басты сөздер: Спорт,
Жоғары қарай