Ауа райы
Астана -6 °С
Алматы 5 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтанда өтетін жәрмеңкеге Ақмола облысынан 435 тонна өнім әкелінеді

2020 жылдың 21 қыркүйек 2020 20:44

КӨКШЕТАУ. ҚазАқпарат - Қыркүйектің 26-27 күндері Нұр-Сұлтан қаласында Ақмола облысы тауар өндірушілерінің қатысуымен ауылшаруашылық жәрмеңкесі өтеді, деп хабарлайды ҚазАқпарат тілшісі облыстық ішкі саясат басқармасына сілтеме жасап.

«Хан Шатыр» сауда және ойын-сауық орталығының алдындағы алаңда өтетін жәрмеңкеге жалпы құны 196,8 миллион теңге болатын 435 тоннаға жуық өнім жетікізіледі.

Оның ішінде 75 тоннадан астам ет және ет өнімдері, 330 мың дана жұмыртқа, 35 тонна сүт және сүт өнімдері, 40 тоннадан астам ұн, 143,2 тонна картоп, көкөніс тәрізді өзге де өнімдер бар.

Елорда тұрғындары мен қонақтары азық-түлік тауарларының 50-ден астам түрін нарық бағасынан 10-15 пайыз арзанға сатып ала алады.

Отандық өнімдерді облыстың екі қаласы мен 17 ауданындағы 100-ден астам кәсіпорын ұсынады.


Жоғары қарай