Ауа райы
Астана -11 °С
Алматы -11 °С
валюта бағамы
USD 421.58
EUR 496.83
RUB 5.53
CNY 62.20

Елордада карантиндік шектеу шаралары тағы да жеңілдетілді

2020 жылдың 19 қыркүйек 2020 02:15

НҰР-СҰЛТАН. ҚазАқпарат - Нұр-Сұлтан қаласында карантиндік шектеу шараларын кезең-кезеңімен жеңілдету бойынша елорданың Бас санитарлық дәрігерінің қаулысына өзгерістер енгізілді, деп хабарлайды ҚазАқпарат.

Қаулыға сәйкес, елордададағы эпидемиологиялық жағдайдың тұрақталуына байланысты, карантин шаралары жеңілдетілді.

Қаладағы ойын-сауық орталықтары, сауда үйлері жұмыс күндері сағат 10:00-ден 23:00-ге дейін жұмыс жасауына рұқсат етілді. Алайда демалыс және мереке күндердегі жұмысқа тыйым салу талабы өзгеріссіз қалды.

Сонымен қатар, қоғамдық тамақтану орындарының жұмысына да өзгерістер енгізілді. Қоғамдық тамақтану объектілері (мейрамхана, дәмхана, бар, асхана), оның ішінде СОСО-да орналасқан орындар (жеке ғимарат) демалыс және мереке күндері сағат 9:00-ден 00:00-ге дейін жұмыс жасауына рұқсат етілді. Бірақ бұл жерлерде той, адам көп жиналатын шаралар өткізуге тыйым өзгермеген.

18 қыркүйекте жарияланған құжатқа сәйкес, қаладағы «Ailand» отбасылық демалыс орталығына, «Джунгли» және Океанариума, «Хан Шатырдағы» жағажай клубтарының санитарлық талаптарды қатаң сақтай отырып жұмыс істеуіне рұқсат етілді.

Ендігі кезде қоғамдық көліктер жұмыс және демалыс күндері сағат 6:00-дан 23:00-ке дейін жүре бастайды.

Құжаттың толық мәтінін мына жерден көруге болады.

Еске салсақ, бұған дейін Нұр-Сұлтан қаласында карантиндік шектеу шараларын кезең-кезеңімен жеңілдету бойынша елорданың Бас санитарлық дәрігерінің қаулысына өзгерістер енгізілген еді. 11 қыркүйектен бастап бірқатар карантиндік шаралар жеңілдеген.

Сондай-ақ, дүйсенбіден бастап қалалық және қала маңына қатынайтын автобустар жолға шығатыны туралы хабарлаған болатынбыз.


Жоғары қарай