Ауа райы
Астана -10 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Украинада Еуропаға газ өткізетін құбыр жарылды

2020 жылдың 15 қыркүйек 2020 08:35

КИЕВ. УКРИНФОРМ - ҚазАқпарат – Киев облысының Чабаны елдімекенінде Еуропаға газ жеткізетін және кенттің жанынан өтетін жоғары қысымды газ құбырында (Уренгой-Помары-Ужгород) саңылау пайда болған, деп хабарлайды ҚазАқпарат Укринформ агенттігіне сілтеме жасап.

Бұл туралы Чабаны кентінің кеңесі хабарлаған.

Қазір бітеуіш орнатылды, газдың шығуы тоқтады.

«Сіздерден тыныштық сақтауларыңызды сұраймыз, қажет болған жағдайда Украинаның төтенше жағдайлар қызметі өкілдерінің нұсқауларын қатаң сақтаңыздар», - делінген хабарламада.

Әлеуметтік желілерде жергілікті тұрғындар қатты дауысты естігендерін айтады, ал кейбір тілшілер бұны газ құбырындағы жарылыс деп болжап отыр.

«14.09.2020 жылы сағат 00.30-да Киев-Святошинский ауданының Чабаны кентінде жоғары қысымды құбыр жарылды. Барлық апаттық-құтқару қызметтері оқиға орнында, жақын елді мекендерде электр қуаты өшірілген, газбен жабдықтауды тоқтату шаралары жүргізілуде. Түнгі сағат 1:15-те құбырды жауып тастады «, - деп жазды Киевтің тұрақты полиция комиссиясының төрағасы Сергей Гулиев.

Сонымен қатар, авторлардың бірі Центральное поле көшесінде өрт сөндіру машиналары тұрғанын хабарлады. Жергілікті тұрғындар елдімекеннің бірнеше көшесінде жарық өшірілгенін хабарлады.


Басты сөздер: Әлем, Оқиға,
Жоғары қарай