Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстанда Үкіметтік емес ұйымдар академиясы құрылады

2020 жылдың 7 қыркүйек 2020 12:01

НҰР-СҰЛТАН. ҚазАқпарат – Қазақстанда Үкіметтік емес ұйымдар академиясы жобасы жүзеге асырылады. Мұндай пікірді ҚР Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет білдірді, деп хабарлайды ҚазАқпарат тілшісі.

«Үкіметтік емес ұйымдарды кәсібилендіру бойынша шаралар қабылдау жоспарланып отыр. Тұрақты әрі бәсекеге қабілетті үкіметтік емес ұйымдарды дамыту үшін «Үкіметтік емес ұйымдар академиясы» деп аталатын жоба құру жоспарланған. Академияның құрылуы бұл сектордың дамуы үшін жақсы алғышарттар жасап, үкіметтік емес ұйымдардың басшылары мен қызметкерлерінің құзіреттілігін арттырады деп ойлаймыз», - деді ол «Даму тарихы: іштей көзқарас» атты 11-ші жыл сайынғы халықаралық конференциясында.

Оның атап өтуінше, «Асар» бизнес пен мемлекеттің үшжақты серіктестігі тұғырнамасы тұрақты түрде жұмыс істейтін болады. Аталған тұғырнама аясында бизнеспен бірге әлеуметтік бастамаларды дамыту көзделген.

«Ауылдық үкіметтік емес ұйымдардың да қызметін жандандыру бойынша жұмыстар жүргізіліп жатыр. Еліміздің барлық өңірлерінде ауылдық үкіметтік емес ұйымдардың әлеуетін арттыру жобалары жүеге асырылуда», - деді Бағдат Қожахметов.


Жоғары қарай