Ауа райы
Астана -7 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Павлодар құрылыс бөлімінің басшысы мен орынбасары күдікке ілінді

2020 жылдың 14 тамыз 2020 19:26

НҰР-СҰЛТАН. ҚазАқпарат - Павлодар облысының сыбайлас жемқорлыққа қарсы қызметі Павлодар қаласы Құрылыс бөлімінің басшысы мен оның орынбасарына қатысты сотқа дейінгі тергеуді бастады. Бұл туралы AntikorNews бағдарламасында айтылды, деп хабарлайды ҚазАқпарат тілшісі.

«Олар кәсіпкерден оған жалпы қамқорлық көрсеткені және оның компаниясына мемлекеттік сатып алу шарты бойынша орындалған жұмыстар актілеріне қол қоюға көмектескені үшін жалпы сомасы 150 мың теңге пара алды деп күдіктелуде», - дейді ҚР Сыбайлас жемқорлыққа қарсы іс-қимыл агенттігі бірінші департаментінің аса маңызды істер жөніндегі тергеушісі Данияр Биғайдаров.

Сондай-ақ, Жамбыл облысы бойынша сыбайлас жемқорлыққа қарсы қызметі Жамбыл облысы әкімдігінің Жұмыспен қамтуды үйлестіру және әлеуметтік бағдарламалар басқармасы бөлімдерінің біріндегі басшысы тарапынан алаяқтық фактісін анықтады.

«Аталған тұлға аталған басқарманың құрылымдық бөлімшесінің қызметкеріне қатысты алаяқтық жасады деп күдіктелуде. Ол 2019 жылғы қарашада жоғары лауазымға тағайындауға жәрдем көрсету сылтауымен 400 мың теңге мөлшерінде қаражатын алдап алған», - дейді ол.


Жоғары қарай