Ауа райы
Астана -3 °С
Алматы 7 °С
валюта бағамы
USD 421.58
EUR 496.83
RUB 5.53
CNY 62.20

«Доссор-Ақтау порты» жолының 45 шақырымы жаңартылды

2020 жылдың 14 тамыз 2020 15:28

НҰР-СҰЛТАН. ҚазАқпарат - Атырау облысында ​«Доссор-Құлсары-Бейнеу-Сай Өтес-Шетпе-Жетібай-Ақтау порты» жолын орташа жөндеу жұмыстары аяқталды, деп хабарлайды ҚазАқпарат.

«Қазақстанда республикалық маңызы бар жолдарды орташа жөндеуден өткізу жұмыстары жалғасып жатыр. Жол жөндеумен айналысатын компаниялар тасжолдардың учаскелерін белгіленген мерзімнен бұрын пайдалануға беруде. Осылайша Атырау облысындағы «Доссор-Құлсары-Бейнеу-Сай Өтес-Шетпе-Жетібай-Ақтау порты» жолының 45 шақырымын жаңарту жұмыстары жоспарланған мерзімнен бұрын аяқталды», - делінген ҚР Индустрия және инфрақұрылымдық даму министрлігінің Telegram парақшасында жарияланған ақпаратта .

Ведомство мәліметінше, «Доссор-Құлсары-Бейнеу-Сай Өтес-Шетпе-Жетібай-Ақтау порты» жолын орташа жөндеу жұмыстары межеленген мерзімнен екі ай бұрын аяқталып отыр. Жөндеуден өткен жол учаскелері бүгінгі таңда қозғалыс үшін ашық.

Айта кетсек, елде республикалық маңызы бар жолдардың 1143 шақырымы қалпына келтірілуде. Орташа жөндеу жұмыстарымен 66 нысан қамтылған.


Автор Марлан Жиембай
Басты сөздер: Атырау облысы, Қоғам,
Жоғары қарай