Ауа райы
Астана -5 °С
Алматы 5 °С
валюта бағамы
USD 421.58
EUR 496.83
RUB 5.53
CNY 62.20

Павлодарда ойын терминалдары жойылды

2020 жылдың 4 тамыз 2020 16:30

ПАВЛОДАР. ҚазАқпарат – Павлодарда ойын терминалдары жойылды, деп хабарлайды ҚазАқпарат Қаржы мониторингі комитетінің баспасөз қызметіне сілтеме жасап.

Комитеттің Павлодар облысы бойынша Экономикалық тергеу департаменті қызметкерлері 30 шілдеде «KAZ ECO PVL» ЖШС көмегімен 7 ойын терминалын жойды.

«Бұл ойын терминалдары ойын бизнесі саласындағы заңсыз қызметті ұйымдастыру фактілері бойынша қылмыстық іске қарсы жүргізілген жедел-іздестіру іс-шарасы барысында Павлодар қаласының аумағында тәркіленді. Ойын терминалдары бөлшектеліп, одан әрі арнайы преспен мыжылып, жойылды. Бұл – толығымен экологиялық қауіпсіз әдіс», делінген хабарламада.

Комитет ҚР ойын бизнесі туралы заңнамасында белгіленген орындардан тыс жерлерде заңсыз ойын бизнесін ұйымдастырғаны және соған орындарды бергені үшін ҚР ҚК 307-бабына сәйкес жауапкершілік қарастырылғанын ескертеді.

«Ойын бизнесі туралы» заңға сәйкес казино мен ойын автоматтарының залдары тек арнайы белгіленген ойын аймақтарында орналасуы қажет.

Заңсыз ойын бизнесі туралы ақпарат болса, комитеттің – 8 (7172) 70-84-78, немесе Павлодар облысы бойынша ЭТД – 8 (7182) 61-33-05, 8 (702) 816-01-81 сенім телефондарына хабарлауға болады.


Жоғары қарай