Ауа райы
Астана 13 °С
Алматы 14 °С
валюта бағамы
USD 412.55
EUR 468.66
RUB 5.79
CNY 58.80

Алматыда фармацевтикалық өндіріс кластері ашылады

2020 жылдың 13 шілде 2020 14:56

АЛМАТЫ. ҚазАқпарат – Алматыда фармацевтикалық өндіріс пен жеке қорғаныс құралдары өндірісі бойынша бірнеше жоба қолға алынбақ. Бұл туралы Алматы әкімінің орынбасары Сапарбек Тұяқбаев онлайн брифинг кезінде айтты, деп хабарлайды ҚазАқпарат тілшісі.

«Өндіріске келер болсақ, фармацевтикалық өндіріс пен жеке қорғаныс құралдары өндірісі бойынша бірнеше жобаны қарастырып жатырмыз. Фармацевтикалық өндіріс бірден құрыла қоймайтыны белгілі. Бірақ, бұл мәселені жүйелі түрде шешуге болатынын түсіндік. Алатау арнайы экономикалық аймағында медициналық бұйымдар шығаратын кластер жасау туралы шешім қабылданды. 2044 жылға дейін жеңілдік қарастырылмақ. Инфрақұрылым дайын. Қазір 4 жоба қарастырылып жатыр. 2 жоба басталғалы тұр. Атап айтқанда, матаға жатпайтын материал өндірісі. Бұл барлық жеке қорғаныс құралдары маска, обаға қарсы костюмдер өндірісі. Егер біз осы өндірісті жолға қойсақ, импортқа тәуелді болмаймыз. Жобаны жыл соңына дейін аяқтау жоспарланған», - деді С.Тұяқбаев.


Жоғары қарай