Ауа райы
Астана 9 °С
Алматы 19 °С
валюта бағамы
USD 421.58
EUR 496.83
RUB 5.53
CNY 62.20

Біз бұл қиындықты бірлікпен жеңеміз - университет ректоры

2020 жылдың 9 шілде 2020 05:17

ШЫМКЕНТ. ҚазАқпарат – Президент Қасым-Жомарт Тоқаев Covid-19 індетіне байланысты үндеуінде талай тарихи сынақтардан өткен еліміздің бұдан да мызғымас бірлігіміздің арқасында жеңетіндігімізді атап өтті. Мемлекет басшысының халықты жігерлендіргені - үлкен қолдау, деген пікір білдірді Шымкенттегі М.Әуезов атындағы ОҚМУ ректоры Дария Қожамжарова.

«Президент өз сөзінде еліміздегі жағдайға байланысты алаңдаушылық білдірді. Әсіресе, қауіпті індеттің ушығып тұрған кезінде дәрі-дәрмектің жетіспеушілігі мен лабораториялық алдын алу шараларын ұйымдастыру кезіндегі кемшіліктердің басты назарға алынып отырғанын жеткізді. Мемлекеттік комиссияның бұл іс-шараларға қайта көңіл бөліп, елімізде карантиннің жарияланғанын және оның дұрыс шешім екеніне көңіл аударды. Сондай-ақ, Президенттің үндеуінен ел басына түскен қиындықты қорқынышпен емес, өзіміздің бірлігіміз бен сабырлығымыздың арқасында жететінімізге көз жеткіздік. Мемлекет басшысы өз сөзінде індетке қарсы мемлекет тарапынан әрбір азаматтың денінің саулығы үшін мемлекет және әкімдіктердің, денсаулық сақтау ұйымдарының тарапынан барлық шаралардың қолға алынатындығы туралы мәлімдеді. Өз кезегінде М.Әуезов атындағы ОҚМУ ұжымы үндеуді қолдай отырып, әрбір Қазақстан азаматына сабырлық пен шыдамдылық және зор денсаулық тілейді»,- деді Дария Қожамжарова.


Жоғары қарай