Ауа райы
Астана -7 °С
Алматы -10 °С
валюта бағамы
USD 421.58
EUR 496.83
RUB 5.53
CNY 62.20

Түркияның шығысында магнитудасы 5,7 жер сілкінісі тіркелді

2020 жылдың 14 маусым 2020 23:16

АНКАРА. ҚазАқпарат - Түркияның шығысында магнитудасы 5,7 жер сілкінісі тіркелді, деп хабарлайды ҚазАқпарат Анадолы агенттігіне сілтеме жасап.

Түркияның шығысындағы Бингөл провинциясында магнитудасы 5,7 жер сілкінісі болды, деп хабарлайды Түркия үкіметі жанындағы Төтенше жағдайлардың алдын алу және салдарын жою басқармасы (AFAD).

Жерасты дүмпуі жергілікті уақытпен сағат 17:24-те болған. Зілзала ошағы Карлыова ауданының аумағында тіркелді. Дүмпу жақын маңдағы аудандарда сезілді.

Түркияның Қоршаған орта және қала құрылысы министрі Мұрат Курум, табиғат апаты болған аумаққа құтқарушылар жіберілгенін мәлімдеді.

«Үкімет жағдайды мұқият бақылап отыр», - деді ол.

Бингөл провинциясының губернаторы Кадир Экинджидің айтуынша, жер сілкінісі кезінде бақылау мұнарасы қираған, нысанның үш күзет қызметкері жарақат алған.


Фото/aa.com.tr

Басты сөздер: Жер сілкінісі, Түркия,
Жоғары қарай