Ауа райы
Астана 11 °С
Алматы 16 °С
валюта бағамы
USD 412.55
EUR 468.66
RUB 5.79
CNY 58.80

ШҚО-да бүгіннен бастап облысішілік автобустар жолға шықты

2020 жылдың 23 мамыр 2020 14:24

ӨСКЕМЕН. ҚазАқпарат – Шығыс Қазақстан облысында 23 мамырдан бастап бірқатар карантин шектеуі жеңілдетілді, деп хабарлайды ҚазАқпарат тілшісі.

Облыс әкімі баспасөз қызметінің хабарлауынша, бүгіннен бастап Семейден басқа қала, аудандарда автобус қатынай бастады. Сонымен қатар балабақшалар мен Халыққа қызмет көрсету орталықтары жұмысын қайта бастаған.

«Барлық дерлік өнеркәсіптік кәсіпорындар карантинге дейінгі жұмыс режиміне көшті. Жекеменшік объектілердің 65 пайызы бұрынғы қызметін бастады. Мейрамханалар, дәмханалар және басқа да тамақтану орындары ашылды. Ондағы санитарлық нормалардың сақталуы қатаң бақылауда», - делінген мәліметте.

Бұдан бөлек, Өскемен қаласының тұрғындарына Горная Ульбинка, Сібе көлдері мен Бұқтырма су қоймасына демалысқа баруға рұқсат берілген.

Естеріңізге сала кетсек, осыған дейін өңірде 23 мамырдан бастап ХҚО-лар ашылатындығы хабарланған.


Жоғары қарай