Ауа райы
Астана 12 °С
Алматы 14 °С
валюта бағамы
USD 412.55
EUR 468.66
RUB 5.79
CNY 58.80

Елордаға жасыл дәліз арқылы жүк көліктері қалай өтеді

2020 жылдың 6 сәуір 2020 10:31

НҰР-СҰЛТАН. ҚазАқпарат. Нұр-Сұлтан қаласы арқылы және кіру/шығу үшін жүк таситын көлік жүргізушілері post.iqala.kz сайтында бақылау-өткізу пунктінен кедергісіз өтуге өтініш бере алады, деп хабарлайды ҚазАқпарат қала әкімінің орынбасары Мәлика Бектұроваға сілтеме жасап.

«Төтенше жағдай кезінде елорданы азық-түлік және азық-түлік емес тауарлармен үздіксіз қамтамасыз ету үшін «Жасыл дәліз» құрылды.
Енді Нұр-Сұлтан қаласы арқылы және кіру/шығу үшін жүк таситын көлік жүргізушілері post.iqala.kz сайтында бақылау-өткізу пунктінен кедергісіз өтуге өтініш бере алады. Жүруіне арналған өтінім тікелей «Сергек: бақылау-өткізу пункті» қосымшасына кіреді. Жүк машинасының жүргізушісі сайтқа кіріп, кіру / шығу деректері, көлік құралының нөмірі, ЖСН, тасымалданатын тауардың атауы, олардың саны және маршруттың өзі көрсетілген өтініш толтыру қажет», деп жазды Мәлика Бектұроваға Telegram-дағы парақшасында.
Оның айтуынша, өтінімді беру үшін ЭЦҚ және басқа да элементтер қажет емес. Бұл тек Нұр Сұлтан қаласына қатысты.
«Бұл әдіс бюрократиялық кедергілерге көп уақытты қысқартады, бақылау-өткізу пунктерінде деректерді қолмен толтыру қажет емес. Осылайша, адам мен адамның тікелей байланысы іс жүзінде нөлге тең, бұл пандемия жағдайында өте маңызды. Елордаға қандай тауарлар және қанша әкелінетіні туралы мәліметтер бірден қаланың бас штабының дерекқорына түседі»,, делінген жазбада.
Айтта кетерлшігі, сайтты шамадан тыс жүктемелерден және DDOS шабуылдан қорғау үшін, captcha қойылған. Өтініш беруші әріптер мен сандарды енгізеді, осылайша ол бот емес екендігін растайды.


Жоғары қарай