Ауа райы
Астана 16 °С
Алматы 20 °С
валюта бағамы
USD 412.55
EUR 465.73
RUB 5.79
CNY 58.91

Қостанайда маска талап еткен автобус жүргізушісін соққыға жыққан бұзақы ұсталды

2020 жылдың 3 сәуір 2020 21:12

ҚОСТАНАЙ. ҚазАқпарат – Бүгін Қостанай қаласында №11 бағдардағы автобус жүргізушісін соққыға жыққан бұзақы ұсталды, деп хабарлайды ҚазАқпарат.

Ақпаратты Қостанай облысы әкімдігі жанындағы арнайы штаб растады.

«Бастапқыда жүргізуші бекітілген тәртіпке сәйкес, жолаушыны маскасыз автобусқа кіргізбеген. Жас жігіт оның талабын елемей, жүргізушіні ұрып, автобустан қашып кеткен. Іздестіру барысында Қостанай қаласының 31 жастағы тұрғыны ұсталды», - делінген Штаб ақпаратында.

Қазір осы дерек бойынша ҚР Қылмыстық кодексінің 293-бабымен («Бұзақылық») тергеу басталды.

Қостанай облысы әкімдігі жанындағы ақпараттық штаб төтенше жағдайлар режимін сақтау бойынша талаптарға түсіністікпен қарауды сұрайды.



Жоғары қарай